初一开年？港男轰青衣餐厅员工食开年饭未准时开门　网民狂闹西客

新年流流请对仍要开工的人多一分体谅！有港男大年初一（1月29日）嬲爆发帖，指今早到青衣长亨邨的百分百餐厅打算光顾，但“入面全部员工开饭中不给客人入来”，而门口写着大年初一早上11时营业，他但准时到达却仍未开门，扬言“下次唔再帮衬”。而照片见到，餐厅员工正围在一起吃开年饭。

帖文1小时内吸引逾350个留言，许多网民批评楼主是西客，“CXs人哋员工开年饭都唔畀”、“新一年咁快就有西客po”、“初三未到就想人同你开年”。楼主则反击指，店舖如未能准时开店，不应“贴住开11点”，会令客人食早餐失预算，惟帖文其后被删除。

大年初一员工开饭未有准时开门

楼主在facebook群组“香港茶餐厅及美食关注组”发文，指今天大年初一（1月29日），他到青衣长亨邨的百分百餐厅用餐，却发现上午11点未开门，“入面全部员工开饭中不给客人入来，当时我们11点到准备入去点知门口锁咗入唔到，下次唔再帮衬”。

楼主上传2张照片，第一张为餐厅新春营业时间，显示年初一开早上11时，意指店员未有准时开门1营业；第二张拍到餐厅职员正围在一起，有员工则正在用膳。

网民闹西客：睇嚟你想提早畀人开年

帖文短短1小时内劲吸逾350个回应，大部份批评楼主为“西客”，认为店员们应该是吃开年饭而略迟开店，揶揄“CXs人哋员工开年饭都唔畀”、“睇嚟你想提早畀人开年”、“刚刚想xyz楼主，不过畀面佢今日年初一”、“初一就想俾人开拖”、“迟少少开门服务你条X客，系咪会饿X亲？”、“人哋都要食饭架，咁都要影相批斗人”、“新一年咁快就有西客po”、“初三未到就想人同你开年”、“唔知以为你畀几千银生意人哋”。

长亨街坊笑言落去撑场

更有居民留言指“我住长亨，你唔好走，我而家落去帮你撑场”，惟他上传照片指到场时楼主已离去。部份网民心平气和建议多一点体谅，“放松啲啦，人哋啲员工开年饭”、“年初一唔好辣火头啦”、“新年流流唔好咁燥底，你就当人哋食饭食迟咗啰，有咩咁大件事呢”、“打工仔放饭13:00-14:00，唔通全部都准时开工咩”。

港男反击：贴住开11点

楼主反击，认为门口标明了上午11时营业，“咁不好贴住开11点啦，人哋不用预时间入去食早餐？”。也有网民支持楼主，“咁唔好写开11:00，开23:00啦，加一就识收，服务就零呀？觉得人客有问题𠮶啲，唔该落去企返一头半个钟等吓啦笨”、“咁写明开11:00你都要开门畀人入㗎”。

（fb群组“香港茶餐厅及美食关注组”）