【炮台山烧味】食神归位！黯然销魂饭$80好贵？原创者戴龙话……
“点解？点解要畀我食到一碗咁好味嘅叉烧饭？我第日食唔返点算呀！”经典电影《食神》里面，薛家燕饰演的“味公主”，食完史提芬周煮的黯然销魂饭，惊呼出这一句话。若我有幸见到家燕姐的话，必定会告诉她这碗饭并没有失传，因为当年为电影创作出这碗饭的名厨戴龙师傅，近日为一间新开的烧腊店担任顾问，将黯然销魂饭再次呈现于客人眼前，味公主唔使惊冇得食啦！
摄影：吴钟坤
戴龙师傅是香港四大名厨之一，当年在港丽酒店担任厨师，获熟客周星驰（星爷）赏识，遂以他作为蓝本，拍出一个有关食神的故事，这当然便是整个华人社会都家喻户晓的电影《食神》！然而戴龙师傅已年届70，半退休状态的他多留在内地享清福，不管香港几多餐饮业集团想邀他出山，都被一一婉拒。直至近日，他却在小店CHOP CHOP食神叉烧力邀之下担任餐厅顾问，戴龙道出个中渊源，“老板同我识咗廿几年，佢哋好想喺香港开间卖《食神》黯然叉烧饭嘅烧腊店，倾咗好耐，因为我冇乜时间得闲，但佢话如果我唔帮手就唔想开，我见都识咗廿几年，间舖又细细间，好啦，咁就抽啲时间啦。”
店里的烧腊师傅本身已有逾40年厨艺经验，戴龙师傅主要加以指导，做好提升出品的角色，为产品画龙点睛，让餐厅卖一碗更有营养的烧腊饭；他更坚持要店方找回电影中的鸡公碗，务求要将黯然销魂饭“神还原”。
戴龙师傅在《食神》亦客串“炒王”一角，煮出皇帝炒饭，但讲到黯然销魂饭，他就解释创作缘由，“电影人多数食煎蛋、叉烧饭盒，炒饭𠮶啲，星爷好回忆呢个饭，希望我做得特别啲。最后我配合到佢个理想，个叉烧、饭同汁都比佢平时食嘅唔同。个名就佢哋谂嘅，我哋谂唔到啲咁嘅名，以我所知应该系刘德华𠮶部《神雕侠侣》，佢断咗只手之后，谂咗个黯然销魂掌。”
我哋老板都有问过食客，佢哋话唔贵，食完之后你就会知，因为只米都贵啲，第二度食唔到。
电影中，奸角“唐牛”谷德昭曾妄言：“叉饭就叉饭啦，加多只荷包蛋，畀尽咪$22碗！黯咩然，销咩魂饭呀？咪懒有型吖𡃁仔！”唐牛或许有道理，黯然销魂饭说穿了就是一碗叉蛋饭，时至廿多年后的今天，因物价高涨而加价是理所当然，大家都知道没可能再食到廿几蚊碗的叉蛋饭，不过有未试过新版黯然销魂饭的网友，就留言质疑$80一碗定价未免太高，戴龙师傅亲自解释：“唔贵！因为成本都几高，我哋开张头几日，每日都卖五、六十盘㗎，我哋老板都有问过食客，佢哋话唔贵，食完之后你就会知，因为个米都贵啲，第二度食唔到。”
师傅从在酒店工作时已坚持选用天然食材及调味料，对色素、添加剂等可免则免，这个习惯直至在CHOP CHOP食神叉烧依然沿用，旁人斋睇价钱或食物卖相未必清楚，故误会餐厅“吊高嚟卖”，但师傅对自己监制的出品信心十足，并说：“依家啲客人都觉得唔错吖，冇嘢嘅，真金不怕洪炉火！”
按图即睇师傅介绍何谓一碗上好的黯然销魂饭，以及享用特调酱汁的小贴士，睇完或会觉得$80是物有所值。
由1996年电影播出迄今已22年，期间戴龙师傅对厨艺、食材营养及知识等理解更深，所以这碗精益求精版的黯然销魂饭比电影中那碗有过之而无不及。对于坊间这廿年来越出越多以“黯然销魂饭”命名的叉蛋饭，戴龙师傅冇食过，亦自言不怕货比货，他说：“唔好话边个做成点，最紧要消费者觉得合理咪得，总之要健康，同埋老板、厨师做嘢有良心。”除这碗饭外，他亦为餐厅监督其他烧腊。
按图即睇餐厅更多菜式及价钱：
电影里面都有话做乜都要用心，对人真心、做咩都一样，咁个个都系食神㗎！
访问当日戴龙师傅身穿的制服绣上“食神教父”几只大字，讲到成为食神的窍诀，这位厨子忽然转Channel，由专业地讲解食物营养，变得慈祥地侃侃而谈人生道理，听得后辈津津乐道，感觉亲切。电影中，史提芬周被问到如何能煮出一个无懈可击的菜式，他即席雕龙雕凤，制出一味“心”字形的“彩虹鲜花拔丝”，虽然是得啖笑，不过电影里说：“只有用心，先可以做到最好嘅菜！”亦是戴龙师傅做厨师的格言。
到电影终段，史提芬周尽管在比赛中落败，却悟出了一个道理：“老豆老母，细佬细妹，条女条仔，只要用心，人人都可以系食神！”师傅也同意到极，又说：“咩行业都好，要有一种精神，好乐意去做好一样嘢，即系个心啦，电影里面都有话做乜都要用心，对人真心、做咩都一样，咁个个都系食神㗎！”
成长期对一个人之后的路非常重要，戴龙师傅之所以能成为众人认可的“食神”，跟年轻时的经历原来不无关系，他回忆谓：“我50几年前做厨师，𠮶个年代唔同，我睇到啲前辈个个都生活艰苦，喺厨房又辛苦，好多师傅50岁已经好多毛病。𠮶时我系细路，睇到佢哋我就谂：‘我要做一个唔同啲嘅厨师！’所以我由十几岁开始自修，睇好多营养书，我哋虽然冇乜读过书，但做乜都好，要先保护好自己。一个人有一种追求，到遇到机会嘅时候，你咪可以发挥啰。”
CHOP CHOP食神叉烧
地址：炮台山宏安道18号地下3号舖
电话：3618 7718