汪明荃讲山头文化　刘江再附和：我好有感受，佢讲嘅我都好支持佢

早前汪明荃汪阿姐在《万千星辉颁奖礼2017》上，有一番致辞讲出了大部分TVB艺人的心声，她说：“如果公司人工可以加多啲啲，休息时间多啲啲，关心多啲啲，山头文化少啲啲，一定可以留到更多人才，士气更加高涨，我哋可以好自豪咁讲我系来自TVB！”这番说话立即引来全场人场鼓掌，真系唔知高层们听不听到他们的呐喊呢？

【万千星辉】汪明荃爆seed讲艺员心声：加人工、山头文化少啲

其实不单止汪阿姐，今日在《平安谷之诡谷传说》的活动中，有位在TVB份量也是很重的人，在公司内人人叫他做老师，就是刘江，他也十分附和阿姐。他从事电视已经超过40年，加入TVB也有36年，绝对有资格像汪阿姐一样帮艺人们发声。在接受《香港01》访问时，被问到如果评价汪阿姐的说法，他说：“点睇？我好有感受，佢讲嘅我都好支持佢，其实所谓嘅山头文化，我哋唔会去理，做好自己。尤其我自己嘅感觉，就系你觉得需要我咪嚟揾我，我就无乜所谓嘅。至于加人工，其实同全香港一样喇，你话要同艰苦，我哋同你共艰苦，但系好景嘅时候有无加到呀？大家心知肚明喇，哈哈！”

除了山头文化和人工，其实工时长也是TVB经常被拿出来的话题，有不少艺人都试过连踩两三日，刘江老师就咁睇：“其实电视系咁样嘅，不过我都好反对，因为我呢一代以前都已经挨过，而家去到后生呢代，希望唔好好似我哋以前咁挨，生活正常啲，有家庭嘅就应该有返家庭生活，咁先系正常。所以我都成日同公司讲，我话新一代唔应该咁，公司应该向前进，应该改，无理由仲要佢哋去挨，我（𠮶一代）已经挨咗。”其实当一个又一个的艺人同事都这样发声的时候，TVB系咪真系要谂谂呢个问题呢？