万千星辉2022|林敏骢亲认将出席 主动打畀高层:想我点帮你兜
无线(TVB)《万千星辉颁奖典礼2022》将于星期日(08/1)举行,今年“视帝”之争有林敏骢、陈山聪、陈豪等人,其中林敏骢的呼声也十分高。早前有传媒爆林敏骢没有收有关方面出席TVB颁奖礼,疑似是不获邀请,节目监制向传媒表示“已经揾过”林敏骢,而林敏骢亦再次表示没有收到无线正式邀请。
今日(07/1)林敏骢接受《香港01》访问时表示正在踢足球,当记者问及他明天会不会出席颁奖礼时,他答道:“颁奖礼?哈哈,颁奖礼咪去啰。佢哋搞错啲通告,唔知边个去错咗之嘛。好小事啫,小事,沟通出咗问题,一来(监制)新呢,唔惯面对记者,你话以前卫世辉喺度就梗系唔会发生呢啲事。”
骢哥续说,早两天收到传媒电话后,还是他自己主动打电话给TVB高层:“我话:‘而家记者咁问,你啲监制又咁答,你想我点样答,想我点帮你兜。’原来真系疏忽咗冇通知,第二日就即刻WhatsApp返啲资料畀我,第二朝另一个高层睇到又打嚟,话:‘做咩呀?唔得㖞,你一定要去。’冇所谓啦,咪开开心心当去睇骚咁啰。”
他还指今次出席颁奖礼志不在奖,而是为了撑场:“辛苦咗成年,撑吓TVB啲(朋友),当睇骚欣赏吓啰。攞就真系冇所谓,今年都唔记得旧年边个攞啦,大佬。辛苦咗成年,好难得见到咁多人喺度,因为佢哋好多个都赞我做得好,祥仔(黎耀祥)、阿Mo(陈豪)、三哥(苗侨伟)、戚美珍、Chilam(张智霖)原来全部都有追(《下流上车族》),见到面多谢吓佢哋都好嘅。”
当被问到是哪一位高层致电他“讲唔好意思”时,林敏骢就答道:“唔系,唔好讲啦,高过佢少少嘅,哈哈,身高。唔系高层同我讲对唔住,系个高层代监制讲声唔好意思。”
今年视帝视后10强名单?
林敏骢没有收到《万千星辉颁奖典礼2022》的邀请?早前疑串爆TVB?
今年“视帝”10强中,林敏骢的呼声也十分高,但有报导指林敏骢疑似是不获邀请,早前接受《香港01》访问时交代了事件经过,并指出是沟通出咗问题。而早前,林敏骢唔怕失“视帝”,爆出7大金句串爆TVB。