陈庭欣赴非洲拍《二亿人的世界》　因一块饼感到自责：我好离地！

无线（TVB）旅游节目《二亿人的世界》找了黎芷珊、区永权和陈庭欣（Toby）当主持，分别去了三个说葡语的国家，包括莫桑比克、葡萄牙和东帝汶，去体验当地人生活，而Toby便是去非洲东南面的莫桑比克。

提到当地治安欠佳，Toby坦言TVB为了保护摄影团队一行六人，以六位数字请了六名保镳说：“其实佢哋每一个都有带真枪，因为当地治安唔好，公司又唔想我哋有损伤，同埋我听返之前去拍摄嘅电视台有人俾人打劫。保镳都对我哋有要求，要我哋听佢哋话，唔好夜晚偷偷地出去食宵夜，可能佢觉我哋香港人钟意出去食宵夜。”

Toby直指这旅程令她有很深体会，也哭了几次，双眼通红、眼泪几乎夺眶而出的她说：“当地医院环境真系好差，唔会好似香港咁每个钟都消毒，对佢哋嚟讲有间医院已经好好。我当时去到等拍摄过程其实好难过，真系好大感触，我见到啲人手指同脚都弯晒，问返原来系骨折。佢哋每个都系自己好辛苦撑上床，我想过去帮手，但保镳拦住我。同埋真系太多人，真系唔知可以帮边个，我次次讲亲都忍唔住喊。”

因为一块饼自觉离地

人人常说知足常乐，但真正做到又有几人？Toby在这趟旅程学会这一点，“当地其实真系冇娱乐，可能每日做嘅事系帮手照顾小朋友，我唔知算唔算佢哋娱乐。当地你会见到条街都烂哂，你对比返香港小朋友其实真系好幸福，呢个真系我人生一个好好体验。大家都知我拍好多旅游节目，可能其他国家唔会体验到呢啲事。好多人话知足常乐，珍惜拥有一切，讲真系好容易。我试过有一日好早起身，求其拎干粮系车上食，上到车有人敲我架车，问我拎食物。我唔敢开窗，一来保镖怕有危险，二来我畀得一个，但畀唔哂所有人。我真系唔敢同佢哋眼神对望，因为块饼对我来讲系好普通，但对佢哋嚟讲好想食，我觉得真系好离地。”