男友投资千万开设健身中心　陈庭欣做代言人：TVB价可能有折头

陈庭欣（Toby）今日（26/9）以代言人身分出席男友Benny（杨振源）有份投资的健身中心新店开幕活动，健身中心更设有全港首个“极地冷冻舱”，十分特别！Toby直言：“冷冻舱喺外国好多职业运动员都会用到，可能香港未咁了解，点解要负8度去做呢样嘢，其实又唔系想像中咁辛苦，因为唔可以逗留太耐，最多两分半钟就要出嚟，主要系舒缓做完运动后嘅痛症。”

（问到帮男友做代言是否冇酬金？）Toby笑言：“梗系有，系TVB价，几多钱我就唔知，可能会有折头挂，我真系唔知，都喺由TVB去倾，不过我就觉得始终做嘢还做嘢，就算呢个系我识嘅人，又或者唔识嘅人，要我做代言人，我都会做好佢。”提到香港经济前景不明朗，Toby坦言无得惊：“其实呢个计划早在一年前开始，所以都预计唔到，无论社会及经济上嘅变化系点，相信大家都必须会投资喺自己健康之上，一定会做运动。”