林芊妤教瑜伽劲好赚：一个月收入，系以前TVB一年嘅人工

林芊妤 (Coffee) 自从做了专业的瑜伽教练之后，收入直线上升，请她担任私人导师单对单上课每堂学费$2500一小时，Coffee话最多一日可以教8-9个人，收入真系好可观。她说：“唔系净系计钱嘅，依家可以做自己钟意做嘅嘢，又可以控制自己啲时间，唔止收入多咗，工作机会都多咗好多。”她坦言当年身在TVB时的收入实在好少：“𠮶时我一个月赚得4、5千蚊，同依家相差好远。（依家一个月收入等如以前一年嘅收入？）都有㗎。”

Coffee又透露今年计划与拍拖两年多的男友结婚，觉得大家目标一致，相处开心舒服，无谓再拣来拣去，她还赞男友够踏实。婚礼仪式方面，Coffee说：“我考虑一切从简，签张婚纸就算，因为我好懒同好怕烦，唔想搞咁多嘢，啲钱宁愿拎嚟储起去，用嚟养家好过，都有可能会去旅行结婚，仲谂紧。（有生B计划？）同步进行，结婚先再有BB，定系有BB先再结婚都无所谓，我个人都唔跟传统行嘅。”至于是否需要男友奉上巨型钻戒求婚，她笑言：“又唔使，粒钻石有两卡就够，我本身都好少戴首饰，买粒假嘅畀我都唔识得分辨。”