【大大力十戒歌】艾粒新搞笑歌又系万能key 乱入《警讯》又夹到
撰文： 陈奕熙 何志衡
出版：更新：
艾粒出道十五周年“开光大典”举行在即，矮佛当奴同靓佛阿占已经预早Set定个头拍片……（做咩“佛”都有头发㗎？）喂喂喂！唔该将个焦点放翻系双佛嘅慈悲为怀上，今次双佛为各善信送上的《大大力十戒歌》，在短短一分钟内充满咗人生奥秘，过万人在60秒内迅间顿悟！
小编听完第一句“唔好发家人脾气”之后，迅间泪流满面（有冇咁夸？），就系因为我㖊日睇咗一条片！
警察平时就好似慈母一样爱锡住香港人，仲时不时拍《警讯》提醒大家，5月14日适逢母亲节慈母又出招喇，今次系讲一个Daddy“卖女”嘅故事，当中嘅父女争吵情节，最后搞到爸爸犯法。
要避过呢场浩劫有咩方法，一齐睇下大师点讲：
首先“唔好一脚踏两船”，成个故事的开始，就是由Daddy煽动原本有男朋友的囡囡再识个富二代男朋友开始，Daddy唔好贪心咪冇事啰。
第二“唔好讲人哋是非”，片中Daddy成日“尖头仔”、“尖头仔”咁叫囡囡的男朋友，又话人冇钱冇楼、厌弃人，搞到囡囡唔开心，最后不幸嘅事就发生咗喇，呜呜。
第三“唔好成日玩手机”，虽然唔小心跌嘢落街唔算犯法，但片中囡囡同男友传完讯息后，一时分神跌咗件衫落街，你话如果因为咁而扑中人点算呢？
正所谓一家人最紧要齐齐整整，我再重申一次双佛嘅教诲：“唔好发家人脾气”，以免招来牢狱之灾！