周柏豪演唱会尾场反高潮　邀“艾粒”上红馆唱最短的歌

周柏豪的《One Step Closer Pakho Live 2017》来到昨晚（30日）圆满结束，第一场嘉宾是张智霖，第二场是许志安，尾场呢？估都估唔到，原来是“艾粒”的DJ当奴和阿占，柏豪表示每一场都会请一个帮过自己的朋友做嘉宾，不知艾粒同柏豪又有什么渊源呢?

柏豪解话表示：“阿占在我仲系长毛时揾我拍乐队野仔的MV，𠮶次系我入行第一次，冇佢我今日就上唔到呢个台到，系因为佢先识到我公司同老板。”柏豪又讲到自己有次听到艾粒的歌觉得好有启发，首歌叫《Silence is Good》，仲即场唱咗两句，无错就系两句，因为首歌真系得两句，柏豪笑言：“我一直好想做，终于上红馆唱咗最短嘅歌。”接著柏豪便落台，剩下艾粒两人表演。

艾粒向来是搞气氛的高手，阿占笑言柏豪听当奴作的歌会被矮人族咀咒，身型会“缩水”。两人之后又唱了《大饮茶》，更讲笑话艾粒同柏豪是同公司：“本来首歌系柏豪，但让咗畀我哋......咩啫，我哋都系model嚟㗎，不过一个job都冇咋嘛！”爆笑全场。