黄翠如晒繑手合照被网民斥消费洪永城　萧正楠：我觉得好无谓

萧正楠（阿萧）日前（8/4）现身将军澳电视城，出席无线综艺节目《思家大战》录影。早前阿萧爱妻黄翠如出席无线颁奖典礼时，与洪永城繑住手行红地毡，事后第一时间出post，贴出二人的翘手合照，随即被网民狠批又再消费洪永城。

萧正楠接受《香港01》访问时表示：“首先我就冇睇啲网民讲嘅嘢，如果自己揾嚟睇就傻啰，讲真有咩好睇啫，睇完又冇咩可以帮到你嘅。不过都唔紧要，始终讲嘢都系佢哋嘅自由嚟嘅，而我又觉得又唔系啲咩咁大嘅伤害。而我就觉得只要我哋几个好朋友，心知发生咩事就得。就好似洪永城太太同我，起码唔觉得系咩事，加上根本就系冇事。好多唔好嘅事，令到好多好纯洁嘅友谊破坏咗，我系觉得好无谓，咁所以我就唔会太多理会。（太太有时会唔会睇？）我就觉得无谓增加一啲负能量，因为大家都学识咗抽离咗呢个环境，仲咩要睇呢？（太太初初都会睇！）佢唔会有太大感受。（你唔使辅导吓太太？）哈哈，我已经好叻，我已经辅导咗佢10年啦，呢10年我一直辅导紧佢，佢已经系一个好强嘅女孩子。”