陈启泰心痛亚视由盛转衰　最嬲王征：佢搞到咁骑呢先令到个牌冇咗

前“亚视一哥”陈启泰（Kenneth）日前（7/4）以嘉宾身份出席名车展活动。提及亚视在2016年4月2日不获续牌，被迫终止本港的免费地面电视广播服务，加上近年亚视不断更换老板，兼传财困，Kenneth在接受《香港01》访问时直言感到痛心：“亚视搞成咁，就系成日换老板，做咗3几年又唔做，之后又换一个。而家亚视最大件事就系冇咗个免费牌，如果拎得返揾老细就易得多。”

Kenneth续说：“如果冇咗个免费牌，其实好多嘢都得个讲字，我系好希望佢哋能够攞返个牌，而我本身都有好多构思想喺电视度做。（你好想返去帮手？）其实系，始终我系有个心结嘅，系希望想返亚视帮手。（见证亚视由辉煌至衰落，有否何感受？）我系好心痛，本身亚视系有好多有才华嘅人，因冇咗亚视呢个台，导致人才流失，各散东西，变咗而家亚视嘅制作又少，又冇地方出，我见到咁我系心痛。”

Kenneth见证着亚视兴衰，直言感到愤怒：“我真系好嬲，而我最嬲嘅系嚟政总跳舞嘅老板王征先生，因为系佢令到我哋亚视冇咗个牌，系因为佢搞到亚视咁骑呢，令到政府先攞返个牌，咁如果唔系佢，个牌可能仲喺度。电视最重要系个牌，揾老细都易啲，所以我对佢系有不满，点解佢唔可以做好啲呢？而家我系好希望有新嘅老板能够打动到政府重发个牌，亚视就有救。”