江嘉敏过年冇红衫着要问细妹借：既可以悭钱，又可以环保

江嘉敏今日（22/1）大年初一现身将军澳电视城出席无线贺年直播节目《喜气洋洋玉兔贺新年》。江嘉敏透露每逢过新年，都必穿红色衫过新年：“今年我会攞我个妹啲衫嚟着，系因为我本身系冇乜红色衫，加上我同佢嘅身形系差唔多，变咗大家都会交换衫嚟着，既可以悭钱，又可以环保，咁样做又都真系几好。（阿妹冇诈你型着到佢啲衫走晒样？）咁所以我拣佢啲衫，通常会拣有弹性嘅，就绝对唔会拣啲好贴身嘅衫着，费事话我着到佢啲衫走晒样，咁所以攞佢啲衫着都要有学问㗎。”