张敬轩亲口证实伦敦个唱飞炒高至8万：我一个粉丝买咗

张敬轩今晚（20/1）现身尖沙咀出席贺岁电影《超神经械劫案下》首映礼。提到即于3月16、17日首次空降英国伦敦Royal Albert Hall，举行《The Prime Classics HINS LIVE 演唱会》，日前（18/1）演唱会门票开售，15分钟售完已两场门票。之后网上已经有人将千几蚊门券炒高三、四倍，更有传有粉丝用8万买落一张炒价飞。

轩仔亲口证实确有其事：“其实系我一个粉丝买咗，而佢今日亦喺度，早知我自己唱俾佢听啦，嚟我屋企问个价就得。（咁你个价系几多呀？）哈哈，竟然有人问我价，我好开心呀。其实我哋呢啲系讲心。（觉唔觉得粉丝用8万蚊买飞会心痛？）我完全系唔同意咁做，咁所以今次我哋歌迷会系有帮佢哋买飞。大家对我嘅支持我系收到，大家要量力而为。”