邓美欣被狗咬手指成永久伤残 法院将有裁决：呢个星期会知

前无线《娱乐新闻台》女主持邓美欣（Venus)早前拖着爱犬落行散步时，突然被洛威拿犬袭击，手部严重受伤入院，由途人帮手报警送院治理。留院期间，Venus伤口不断恶化，经过4次手术后，伤势渐康复，但至今仍留有严重后遗症。

今日（9/1）Venus现身出席无线新剧《虚拟情人》拜神仪式。被问到到狗咬事件发生至今将近一年，法院有最终裁决？Venus表示：“其实案件安排咗喺今个月4日会审理，狗主系会到法庭应讯，但我就唔知狗主佢有冇认罪，呢一刻案件发展成点，我仲系未知结果，要喺法院𠮶边攞返啲文件先知，我相信最快喺系呢个星期就会知到个结果。（其间狗主有冇主动慰问过你？）其实由我被佢只狗咬𠮶一刻，佢系冇慰问过我，反而系目击事件嘅其他狗主有慰问我。”

此外，Venus透露每星期都会接受物理治疗及中医针灸，希望能够改善手指的活动能力，避免变成永久伤残：“其实医生都诊断我手指嘅伤势，系永远都唔能够百分百咁复原，而家我只手系永远伸唔正，手指系肿胀咗，连戒指都。变咗我系永久伤残。咁所以我尽我所能，希望透过治疗，改善手指嘅治动能力。”