朱晨丽与偶像张家辉拍戏心跳加速　自爆被催婚：我一向都好被动

朱晨丽（朱朱）今日（3/1）现身荃湾新天地出席无线热播剧集《轻·功》宣传活动。朱朱透露现正为电影开工，所以未能在新春节假期回内地苏州探望双亲，大感挂念：“其实呢排我已经开紧戏拍紧电影，今次有幸同我偶像影帝张家辉再次合作真系好紧张，而每次睇剧本时我都会心跳加速，点解会系咁，连我都唔知。记得对上一次同佢合作时就比较少互动，相对今次我系多咗同佢有对手戏嘅，所以望住佢嘅时候，就有一种粉丝望住自己个偶像一样嘅感觉，系好奇妙。”

对于未能回乡探双亲，朱朱表示：“其实而家科技咁发达，用手机视频大家都可以见到面嘅。不过咁耐冇见到佢哋，始终都会泛起一种对佢哋嘅思念嘅情怀，尤其系过时过节嘅时候。（妈咪有催婚？）有呀，其实屋企人上年有提过一次，所以我系记喺心里度。（对你造成压力？）都有㗎，但冇话畀到呢啲压力就可以尽快去做㗎嘛，始终我个人一向都好被动。”