准妈咪吴若希怀胎8个月就快生得　同老公齐学BB按摩

准妈妈吴若希（Jinny）怀胎8个月，就快生得，而陀B的必经阶段，相信就是身材每天见佢胖一些。上个月吴若希眼见自己照镜都吓亲，体重去到154磅咁劲！不过，肥人当然肥埋身材！吴若希自爆因为陀B，上围由B级胀到D级，真系好开心。

之但系吴若希陀B去到最后直路，与其留意自己身材，不如集中火力卡照顾BB迎接新生命呢方面啦！所以准妈咪Jinny今日就同老公Alex一齐到TVB艺员莫家淦屋企学点样帮BB按摩，可能因为莫家淦都系做咗老豆冇耐，相信同Jinny倾开凑仔心得时，提议两对夫妇齐齐学帮BB按摩啦。莫家淦就在Facebook表示：“呢个准妈妈都好专心认真好学地学习婴儿按摩，抵赞！系个老豆由头瞓到尾啫。。。妈妈加油迎接新生命啦！”眼见Jinny同老公Alex好专心将BB公仔当系自己囡囡，再扫下脚仔咁，真系好认真。囡囡未出世，就Feel到呢个家一定好warm。