吴若希离家出走约星梦帮开P　嬲猪大肚婆揾David陪瞓？

自吴若希（Jinny）宣布停工一年养胎做妈妈，所有事都以BB为先，日前更被发现在私人Facebook呻男朋友Alex作病又唔食药睇医生，要离家出走去“保护儿童协会”。Jinny有冇去到保护儿童协会冇人知，不过一句“你揾到我我话你叻！”我系Alex见到真系心都离一离，始终近日天气转冻，一个大肚婆去得边到？原来系去了买7000蚊退烧用品给未来老公医病。

事隔一日，Jinny再去和星梦旗下的一班歌手朋友开Party，而且开完party之后，大肚婆已经返咗屋企喇！不过Jinny似乎未下啖气，事关Jinny影了一张睡床的相放上Instagram，上面瞓咗爱犬Honey同埋David……留意返，David并不是奸夫，而是Jinny离家出走时留给Alex的朋友──一只仿制强劲臂弯的蓝色揽枕。

Jinny更写到：“一张床，明明得两个人训，但系要三个枕头，你明唔明点解？依家仲要多个David。”啫系Jinny、Alex & David，然而，男友的留言又有另一说法：“你寻晚先话张床好大～一个枕头honey，一个枕头你，一个枕头系David，无枕头果（𠮶）个系我”咁…当众耍花枪法…算啦，相嗌唔好口，你哋都系换张大啲嘅床，预埋神犬Honey同吴系喵嘅位啦。

至于个Party，Jinny有讲到会开个Live拆“宝宝们”的礼物和信，而早前在新城颁奖礼夺得新人铜奖的谭嘉仪，亦有趁机向大家送新碟《Can see you》做礼物，Jinny其中一张相就是全女班晒嘉仪的新碟，真够老友！

而另一张相就是和许廷铿（Alfred）、胡鸿钧的合照，怀孕近5个月的Jinny应该已经见肚，但今次的相，Jinny就巧妙地用了Alfred遮肚，至于水肿的面，Jinny就话：“换了一部会自动maggie的手机～感觉棒棒哒”仲tag埋“#maggie了就不肥不肿啦”，maggie手机是什么？大概是“maggie＝美肌”？

不过Jinny都留言中亦有提到开party就是叫人“#最适合叫人喝多几口的时候”，喂，大肚婆唔饮得饮㖞，叫人饮就好了，大家要睇住Jinny啊！