【无线hea用】罗莽美国做电影主角　过百粉丝聚会：个个起身拍手

撰文： 林通贤
出版：更新：
罗师傅在美国有不少粉丝，上年7月更飞去美国和他们聚会，更拍了《金臂童》续集预告。
罗师传喺外国相当受欢迎㗎，唔止男粉丝，连女粉丝都有。

63岁罗莽在无线是甘草演员，或者网友觉得他只是配角，但在外国原来有一班die hard粉丝，尤其非常喜欢罗师傅后生时期拍的邵氏作品，特别是1979年的《金臂童》更是黑人心目中的cult片，好多人看了之后都走去学功夫强身健体。而这班忠粉上年7月就邀请了罗莽到美国，为他举办了粉丝聚会，现场有过百粉丝出席，粉丝仲要给30蚊美金影相签名，罗师傅气势拍得住荷李活巨星。

事隔半年罗莽接受《香港01》访问，依然难掩兴奋心情，他说：“点会谂到自己有外国粉丝㗎？真系好感动，见到有女仔将自己𠮶样纹响手臂，又有粉丝睇完自己嘅电影而学功夫，我真系要好多谢邵氏电影同埋张彻大导演，我班外国粉丝好锡我，影相签个名30蚊美金，佢哋都肯，真系估唔到，系主办收啫，我都有收酬劳，跟住听下佢哋点睇我嘅电影呀，一入场个个企起身拍手，冇谂过，真系冇谂过！”

罗莽近年主要拍电影及广告，最近的电视作品是《城寨英雄》。（网上截图）

罗莽当年为邵氏小生，90年入无线后多演配角、谐星，好多网友为罗师傅不值，觉得TVB唔识货，但罗师传觉得无线对他不薄，他说：“我唔觉无线对我唔好㖞，佢畀好多机会我，监制邝业生、梅小青呀….呢两个监制好锡我，唔系下下要做主角嘅，个个做主角套戏唔驶做啦，我哋做戏咁多年啦，咩角色都尝试过啦，人哋畀几多工作你，一定有原因，我哋呢啲好明白。拍戏系team work，个个都要多戏，唔好睇㗎！就算配角你做好自己就得，观众有眼睇㗎。”

【风云5D音乐剧】49岁谢天华扮聂风变蔡一智　飘逸长发真系咪乱试

唔少网友觉得罗莽似民建联议员梁美芬，不过罗师傅就唔识，但唔介意人恶搞。（网上图片）

网友最爱恶搞罗莽，说他是梁美芬和“自投罗莽”，不过罗师傅一点也不介意，他说：“好得意㗎！佢哋谂到好多嘢，其实我系有喜感嘅，我一啲都唔嬲，仲好开心，网上咁多嘢发生，人哋仲记得你㖞，‘自投罗莽’听过啦，以前卢David玩先㗎，有日走埋嚟，好认真问我‘罗莽你咩字头？’我见佢咁认真吓鬼死，跟住佢话：‘字头罗莽’（啲人话你似梁美芬？）梁美芬边位嚟呢？系男定系女嚟㗎？下？议员嚟㗎？失敬，失敬，真系唔识！”

罗师傅在美国除了有聚会，当地粉丝还众筹开拍《金臂童》续集叫《Golden Arms Returns》，罗帅傅上次去美国都有拍少少预告片，他说：“应该6月左右会去荷李活拍，佢哋其实想我而家去，不过我要拍泽东套《欧洲攻略》去唔到。”罗师传而家大把世界啦。

美国粉丝众筹《金臂童》续集，想支持罗师传可以去《Golden Arms Returns》FB专页。

【风云5D音乐剧】郑嘉颖版步惊云终于出场　造型未崩坏算有霸气

罗师传拍《Golden Arms Returns》预告片时七情上面。
有女粉丝更将罗莽纹上手臂，粉丝聚会还有不少罗莽纪念品卖。
【与谍同谋】绿叶王李成昌爱妻24年　奸王原来系暖男：要好爱对方【迷】秘书王何绮云硬食白眼侮辱：匿埋喊好平常！