黎美言压力爆煲声泪俱下大控诉前Hotcha两成员：忍咗十几年

Hotcha组合前成员张惠雅（Regen）日前接受电台访问时，重提与黎美言（Winkie）拗撬最多，直指她为人难相处，未必每个人都顶得顺她的性格。今日黎美言（Winkie）出席游戏节目宣传活动时，将多年来受尽的冤屈气发泄出来，激动爆喊作出大控诉：“其实我忍咗十几年，由入行嘅时候，佢哋两个（张惠雅及张纹嘉）已经对我单单打打。佢哋会话我扮大牌，其实睇住我成长嘅记者都知我只系一个𡃁妹，我只不过个样生得恶，但我完全系冇攻击性，而且我并唔系扮大牌嘅人嚟，而我呢个喊嘅举动我都会有压力。”

Winkie声泪俱下续说：“但我发觉一提起佢哋两个对我嘅伤害，我会好伤心。可能佢哋都会觉得我有伤害过佢哋，但至少咁多年来，我都保持佢哋个形像，冇用媒体嘅量力去话过佢哋一句半句，呢个系我同佢哋最大嘅分别。我个样系冇佢哋两个咁甜美，咁生得咁入屋，我认自己个样恶，但我都有我嘅价值，唔需要喺网上面评论我嘅价值，咁多年嚟好辛苦，发觉原来唔系做紧自己，亦都冇谂过入娱乐圈系咁。其实我最伤心嘅系佢哋两个，分别系喺我离开咗娱乐圈6年之后仲要攻击我。其实我做生意都系想避开，想自力更生养活自己。其实我当初选择离开组合系顶唔顺佢哋啲小动作，咩小动作我就唔想再提。”

提及张惠雅事后对自己的言论向你道歉。Winkie表示：“我知道，我绝对接受。其实最伤害我心嘅人并唔系佢，系张纹嘉。但佢对我做过啲乜伤害，我呢一世都唔会讲，就算死入棺材我都唔会讲，系因为我唔想去数佢。而我点解同佢哋关系咁差，我相信主要系利害嘅关系而引起。而佢哋成日都会同人哋强调话好难顶得我顺，话我好臭寸，大家相处嘅时候，总会对我单单打打。其实当时公司系知道有调停过，但都冇用。”