34岁黎美言@Hotcha怕迟生BB有难度：要谂吓系咪要雪卵
撰文： 林迅景
出版：更新：
黎美言（Winkie@Hotcha）日前与红酒KOL May Wong拍摄网片，走访香港隐世食店，了解受疫情打击的餐饮业近况。
Winkie坦言疫情下开工会紧张，但全程戴上口罩做足保护：“话唔惊就假嘅，但保护功夫都做到足嘅，好似都袋住啲清洁用品咁，随时保持个人卫生啰！虽然会有啲担心，但呢个系我过年后嘅第一个工作，所以都叫有个好开始，跟住KOL May May去拜访啲食店老板，学吓点做生意偷吓师。”
Winkie就话自己开办跳舞学校多年都稳赚，直指生意不俗想再发展：“因为大家都记得我跳舞出身，所以都好信我地嘅课程，但依家就系去到樽颈位，要学吓点样管理人手，呢日访问嘅老板个个都身经百战，要学吓人地点样做生意。”
她笑言新年刚过去，疫情下不用拜年，没有被亲友逼婚。Winkie就话早前社交网站重贴工作婚照，引起朋友关注：“朋友问我系咪宣传婚讯？又话太迟生BB会有难度，搞到我都要谂吓系咪要雪卵！不设防生小朋友？唔识答添⋯总之顺期自然啰。”
同场的红酒KOL May May就大赞Winkie有做生意天份，虚心学习受访者的故事，笑言未知子女是否对方Fans：“我都唔知佢地有冇听过HotCha，但准备帮佢地揾Winkie拜师学跳舞，希望有师傅一半嘅成续啦。”