全民造星IV｜Marf否认系“内定冠军”：内定搞半年？好辛苦呀大佬
撰文： 邱爱霖
出版：更新：
ViuTV皇牌选秀节目《全民造星IV》今日（19日）在九展举行总决赛记者会。Marf（邱彦筒）成为赛前大热，是不少参赛者的三甲心水，是否信心爆棚入硬女团？她坦言：“入硬呢就冇人讲得硬嘅，因为始终结果都唔系我哋决定，但系好开心大家有咁多肯定。好多人问我有冇压力呢？我嘅压力系自己畀嘅，无论所有肯定、鼓励，都系我嘅强心针。”
面对“内定冠军”质疑，Marf丝毫不介意：“冇唔开心，因为唔系真架嘛！内定唔会搞咁多嘢啦！哗，内定搞半年？好辛苦呀大佬。我觉得《全民造星》系一个咁嘅舞台，全部都系素人，每一个阶段你哋都睇住，你哋都见到，我哋96强表演未系最精彩，全部都比较平淡，但你会见到我哋每一刻嘅进步。如果你哋话有内定、早有预谋，其实每一刻佢哋个脑都变紧，每一刻都有天才、特别有Talented（才华）嘅人冲出嚟。”
“大美人”李嘉欣出任总决赛评审，Marf有睇过李嘉欣的戏，她说道：“我知佢有拍戏，我都有睇过，但如果你要问我佢最叻系乜嘢，我就真系唔系好清楚。”但她表示非常期待见到李嘉欣真人。
点击睇更多20强活动照：
+27