Edan护Jer分手说“情侣嘈交好正常”　Jeffrey加把嘴爆：小口无猜

ViuTV综艺节目《胶战S2》周四（2日）进行录影，Edan（吕爵安）、Jeffrey（魏浚笙）提起本季节目添食两集，Edan表示：“最希望都系添季，好想继续拍落去，始终我哋6个拍《胶战》都系最享受、最无忧无虑、最开心嘅工作，好似嚟玩咁，希望可以变长寿节目。”
至于最新播出一集“第一届胶人问答争霸战”Jeffrey被问起“包含五官的成语”，他语出惊人爆出“看不顺眼”引发笑弹，Edan笑指这个弟弟“真系蠢”，起源要追溯至上季，“煨Sir”一朵更因此而来，Jeffrey亦不讳言自爆：“近排返小学啲老师问我点解会咁差，点解教得我咁差；但成语呢家嘢平时讲嘢真系唔会用。”儿登立刻附和：“都系人创造出嚟㗎啫。”Jeffrey认同道：“我都可以创造！咁就人人都可以有种创造天份，又称‘煨语’。”

二人参与主演的电视剧《i.Swim》从炎夏拍至初冬，终在昨日杀青，Edan直言今次体验特别：“喺户外泳池拍嘅时候真系几辛苦，真系好冻，好想快啲完，同一时间又唔想太快完，幕前幕后都玩得好开心，成班后生仔聚埋一齐又好多笑料，好享受。”首次担正的Jeffrey亦表达了不舍之情：“剧集嘅终结有种特别嘅感觉，我寻日特登同《i.Swim》嘅Edan影咗张合照。”

点击图辑睇是日靓相！

提起二人为拍戏近来均频频操肌，Edan更自言身材Fit度达人生巅峰，又怎能藏起来不炫耀于人前？日前Edan新歌《一表人才》及《年青有为》MV双双破百万，他大骚6嚿腹肌大派福利，至于接下来尺度会否更爆，他就笑言：“冇喇！我派完㗎喇，而家已经回落返，寻日拍水底镜头唔太见到，所以前两日已经开始放肆食。（唔打算维持大只仔形象？）会Keep住做Gym，但控制饮食就好需要除先做。”Jeffrey就建议他：“Edan要食多啲嘢，饮食唔需要戒，继续操落去就会再好睇啲。”

至于近日有迹象指MIRROR队友Jer（柳应廷）与拍拖5年的圈外女友Kelly分手，Edan表示并没有过问太多内情，但有表达关心：“始终私人事情我又唔方便干涉太多，佢想讲就会讲，大家都唔需要太紧张或者放到好大，情侣嘈交好正常，畀啲空间佢哋，专注返艺人嘅演艺工作。”Edan接着抛出“打情骂俏”、“两小无猜”等成语，旁边的煨Sir亦随即发功说出“小口无猜”，再度引发笑点。