专访｜ERROR何启华剖白入行辛酸 认想做影帝：等创作人揾到饭食
ViuTV开台短短五年，除了炮制出不少精彩电视剧、综艺节目，还捧红的男子组合MIRROR和ERROR，令全城掀起“镜错热潮”。随着ViuTV讨论度愈来愈高，旗下艺人阵容愈来愈人强马壮，一哥一姐的宝座之争亦都愈演愈烈，至于这两个位置的强力“争夺者”ERROR成员阿Dee（何启华）及娟姐（练美娟）就各有见地，先后凭《大叔的爱》Carman一角及爽直主持风格备受观众喜爱的娟姐被指“威胁”原一姐Hailey（陈俞希）地位，她就对一姐称号直认不讳：“我系娟姐，我都系一姐，ViuTV唯一一个娟姐，取其字我都系一姐，我认嘅。”
撰文、剪接：叶诗
拍摄：叶志明
娟姐服装：whynot_xx_
ERROR代言之广告在香港可谓随处可见，阿Dee的IG追踪人数更直逼30万大关，至于一哥称号，他就以大爱精神、有前瞻性地指出：“我希望一哥呢个名系公厕名，人人都可以挂有，无分你我，所有人都系一哥，咁就唔使去争，（建立）新时代新秩序！”谈起出席活动时支持者雯雯／羊群往往会借用《ERROR自救TV》中出现梗、配合动作大嗌：“支持何启华一哥！”不过阿Dee就笑指：“我都分唔到佢哋系咪真心，我觉得系一种情绪压抑，去发泄紧一啲嘢，其实同讲粗口冇乜分别，呢句说话嘅存在系比大家发泄用，其实好过瘾！”
“系咪我唔得呢？”
阿Dee演艺事业日渐步上轨道，他直言出道初期有过迷失的时期：“𠮶段时间都有唔开心，觉得点解出咗道都冇人揾我做戏，系咪我唔得呢，都有呢啲怀疑。”到后来观众渐渐从《花姐ERROR游》、《ERROR自肥企画》等综艺节目中看到他们“玩命式”拼劲而入坑，随着人气和知名度暴升，他亦终于能一步一步实现自己的演员梦：“我觉得有成功系终于做到比较贴近自己心目中想做嘅嘢，即系想拍戏，的确系《自肥》嘅弹出令到我嚟紧呢一年都多咗好多戏有兴趣揾我，等我可以喺呢个领域继续修行。”
娟姐讲潜规则？“呢啲嘢唔使食饭㗎嘛？”
娟姐相对较幸运，从来对于做演员没有太大的欲望，演技机会也是从天而降，而且首发已经拍得大热剧集，然后演员工作接踵而来，不过她指不甘于只演“傻大姐”，自己仍有许多可能性：“以前表演欲都强，试咗新领域之后观众又几喜欢，自己都有成功感，庆幸有机会接电影，都想试吓演唔同角色，唔净系傻大姐，可能其他反派、斯文文青都得，我觉得自己仲有好多可能性，等紧啲导演监制嚟发掘我。”娟姐又幽默搬出娱圈“潜规则论”：“呢啲嘢唔使食饭㗎嘛？”
辣王传．专访｜何启华又中伏被呃信任 练美娟确信Dee曾辣到失禁
“阿Dee你做到啦！” 百般滋味在心头
回想起为了实现梦想而挨过的日子，阿Dee直言百般滋味在心头，当中以一段日常不过的回忆最为深刻：“我记得半年前一个人听住歌行旺角，望到周围嘅人突然谂返起以前嘅自己，我当时着紧一啲赞助嘅衫，呢啲衫系以前嘅自己要用好多时间去赚钱买返嚟，然后自己开心，当下觉得自己着住赞助都几贵嘅衫，原来我已经可以着紧呢啲嘢，突然间谂点解会咁神奇，你追紧一样嘢，然后当你置身其中嘅时候，你系冇谂过。”问起是否有种成功感，他就直言感慨的心情为多：“好戆X、好冇意思㗎，系有种感慨喺里面，但我唔知点形容感慨紧啲咩：‘阿Dee你做到啦㖞！’辛苦咗咁耐，原来已经系喇，唔系开心、唔系满足，系有辛酸嘅味道。”
点击图辑睇专访靓相！
随着人气而来的就是无形的压力，说一路以来一成不变都是骗人的，当注视你的眼睛愈来愈多，一举一动都随之被放大，就必须提醒自己规范，阿Dee坦承自己在心态上改变不少：“你要顾嘅嘢多咗好多，可能系一单工作养紧几多个人，又要保护一啲过去作品，有多啲Attention嘅时候你会冇咁free。”他直言无法不在意行人的目光，不过作为艺人就要“食得咸鱼抵得渴”：“就咁行出街都有压力，着到好求其谂住有个Me time喺条街度浮游，啲人望来望去你都会有压力，有时间会想喺室内好似只猫咁望下埲墙、睇下电视，呢一刻会享受呢啲废三四个钟嘅‘猫Time’。”
Dee希望有票房价值 娟姐开心最紧要
二人的事业都在今年立下一个里程碑，知名度大增、走在街上也有愈来愈多人认得，问起有否定立下一个阶段的目标，阿Dee就指自己的目标始终如一是“影帝”，当社会都在讨论“香港电影已死”的时候，他仍然坚持这个电影梦，希望能有“票房价值”为这个行业作出贡献：“我想愈来愈多人钟意我，如果我有票房价值，香港电影嘅未来就有当我一分力支撑住；我觉得呢个年代就系唔够人有票房价值，香港电影系需要更多一堆有票房价值嘅人出现，就有更多创作人可以揾到饭食，电影系一个地方嘅语言，呢个系我嘅目标，我愈来愈红就大家一齐好。”
娟姐思量一下，自言没有为自己定立目标：“咁样会唔会同条咸鱼冇分别？”然后她苦恼了一下，说出一个朴素，但也许今时今日更加难实现的目标，性格乐天的她说：“我嘅目标好简单，日日都咁开心，每一天都尽心尽力做好每一个喜欢嘅工作；人哋每次见到我都好开心，咁就大家都好开心。”