辣王传．专访｜何启华又中伏被呃信任　练美娟确信Dee曾辣到失禁

《雪球：巴菲特传》、《时代教主：乔布斯》，通常是伟人才会有属于自己的传记，ViuTV近日就有部名为《辣王传》的饮食节目，“辣王”这个称号之霸气，想必是吃尽天下之辣，兼打败天下无敌手，更被一班“辣妹教练”练美娟（娟姐）、陈海宁（Isabella）、陈嘉倩（Katherine）、郑伊琪（浩南）团团包围，画面上看实是艳福无边，获封“现代韦小宝”也不为过，不过很是威风、唯一的“王”ERROR成员阿Dee（何启华）就指原来一切都是个骗局！
阿Dee以不亚于中“凤凰不死鸟”计之冤屈申诉道：“其实个节目本身叫辣妹，我由头到尾都冇谂过（做辣王），谂住有女就算啦，节目组本身同我讲：‘其实你唔使点食辣，话就话系你复仇，攞返起失去咗嘅嘢，但其实我哋有好多女仔，辣嘅部份可以交畀佢哋食。’点知去到最后一集先同我讲转名！”令在旁边的娟姐（练美娟）也禁不住幸灾乐祸道：“昆咗佢入嚟，佢食唔到辣又安个辣王朵畀佢，摆明润佢，由头到尾都系整蛊节目。”系啊！Dee哥“又俾人呃信任”！
撰文：叶诗
拍摄：叶志明
娟姐服装：whynot_xx_

辣到失禁犹有余悸？ “𠮶啲烂鬼称号Who cares？”

“辣王”这个称号从何而来？相信有追看ERROR节目的观众并不陌生，将时间线推往《花姐ERROR游》，阿Dee除了在九州福冈挑战激辣烧肉获得称号后，第二季之“辣王名衔保卫战”亦成功捍卫“辣王”威严，不过他似乎相当懊悔当年勇字当头：“就系衰𠮶次，我太轻敌！以为辣有几辛苦吖，最多咪呕返出嚟，结果食完落肚呕唔返出嚟，喺个肚度酝酿就出晒事！”

点击图辑睇事发经过！

想起那个“入厂”经历阿Dee犹有余悸，指当刻仿如身处人间炼狱：“最尾真系痛得太辛苦，食管、气管、肠胃都痛，胃俾火烧紧、好似饮咗镪水落肚，坐唔安企唔定、又讲唔到嘢，好想呕又呕唔出，好想去厕所屙屎又屙唔出，然后又全身发热，保锜成日话我辣到濑尿，因为俾人擡出嚟𠮶阵条裤湿晒！”至于那个失禁的传说，他就极力解释：“其实唔系我濑嘢，系太热太辛苦，节目组就兜头淋左盆水落我到，咁样我先降到温、觉得舒服啲，所以就系咁淋水，送去医院𠮶阵条裤先会湿。”不过娟姐就不信这套说辞：“讲咗咁耐一定系濑尿，辣到失禁！”

专访｜ERROR何启华剖白入行辛酸　认想做影帝：等创作人揾到饭食

娟姐＝隐藏辣后

这个经历可谓令Dee哥留下一世难忘的阴影，以致在拍摄《辣王传》时揸紧“揸流摊”的宗旨：“每次有娟姐喺度就掂喇！”阿Dee指娟姐才是名副其实的辣后，娟姐表示从小就受妈妈严格训练：“我妈咪觉得女仔要识食辣，细细个食牛筋河佢已经帮我滗一羹羹辣椒落去，由细食到大所以我对辣有种追求。”所以对于不能吃辣的人她愤然指完全看不过眼：“好钟意食辣嘅人见到身边嘅人食唔到辣会好炆憎，明明一啲都唔辣就食到嘻呵哈唏咁，觉得好娿哿成个女人咁！”

点击图辑睇专访靓相！

不过阿Dee就指吃辣是一份辛苦工：“拍呢个节目真系好辛苦，身体差、食完仲雪上加霜，但又要挨住，因为仲有好多嘢要做，辛苦得来又觉得唔够呈现到效果。”阿Dee表示自己不欲接受此等训练：“好嘥气呢啲谂法，呢个思想好错，我唔想再经历一日屙三四次𠮶种痛苦！”所以他迫不及待寻求接班人：“《辣王传2》之揾接班人，用辣鱿鱼游戏揾，有几百个参赛者玩小游戏，最后𠮶个就可以攞到价值400几亿嘅辣椒。不过我觉得系保锜，一定系吴保锜帮我接班，做新辣王！”不过娟姐就指辣王必须经严格考核：“佢过到关先讲，可能我哋啲辣妹唔批，我哋都要审查！”