【乘胜狙击】与庄思敏床戏网民话尺度大胆　陈山聪︰汗水冇白费

年近岁晚，大家都会去亲友家中拜年，晚饭前后少不免电视𩠌饭。不过，昨晚阖家欢时段《乘胜狙击》就有庄思敏和陈山聪再加傅嘉莉派“福利”。网民非常羡幕陈山聪，剧中他先同庄思敏激吻，之后再同傅嘉莉有床戏，同傅嘉莉“拚搏”其间，更咬了她膊头一下，山聪又同时间幻想同庄思敏一齐，意识相当大胆。

有网民觉得该场戏根本是IIB级电影尺度，如果一家大细加上亲戚一同收看，必得令新年“气氛”倍升，庄思敏在电话表示这场戏原来只是小儿科：“好多（床戏）呀，多到唔记得。”原来庄思敏在剧中和山聪有不少大胆场面，观众真要多点留意。

我们就看得开心，但男主角陈山聪竟然说辛苦，他以WhatsApp回应：“你哋就睇得过瘾，其实我就辛苦都不得了，拍呢啲场面我都系第一次，要就好多嘢，又要锡到佢成𠮶嘴都系粉，我哋都系做戏，但我拍嘅时候就成身湿哂，出哂汗，好似拍武打片一场，因为度晒位，大家又熟，所以同庄思敏一take ok。不过大家睇得过瘾就ok，我嘅汗水冇白费，我辛苦过庄思敏㗎，嚟紧我同佢仲多激战场面，佢同黄子雄都好多㗎，所以大家记住追睇……放心，女朋友我有同佢讲，佢都好明白，我系做嘢啫。”