【乘胜狙击】陈山聪又要追赌王女　人生如戏：唔觉得编剧玩我

无线剧集《乘胜狙击》讲一班老千同赌王的恩怨，网友可能觉得离地，但剧中陈山聪就一定觉得角色贴地，皆因陈山聪饰演魔术师义仔，明显就擅长表演魔术，演出亦受到网友赞赏。不过更多人谈论的是剧中的他竟然要追赌王（单立文饰）乖女（传嘉莉饰）。众所周知2011年陈山聪和赌王女何超云拍拖，2013年分手，当年二人经常成为娱乐版头条轰动全城，难怪网友觉得监制和编审有心整蛊佢。

虽然今次真系人生如戏，不过山聪反而看得开，今日陈山聪出席《乘胜狙击》宣传活动时则好大方话：“其实监制叶镇辉同编剧一早已经度了这个故仔，刚好揾返我拍，好自然大家就代入咗呢样嘢啦，但我觉得唔紧要，剧入面嘅豹哥，我哋都冇影射任何一个人，傅嘉莉嘅角色亦冇，加上我剧入面嘅角色就同我本人唔同。我就唔系好介意，但我都好希望呢个戏唔好令任何人唔开心，讲真预咗人问，但呢啲已经过咗去嘅事，亦唔觉得编剧玩我，因为佢哋唔知系我演㗎！”

陈山聪更表示在剧中其实系大奸角，要追赌王女又要做衰嘢，难免会影响形象，好在陈山聪亦豁达：“之前有人话我知，我角色原先系马国明做，公司亦好尊重我，问我𠮶角色几敏感㖞？怕唔怕？我觉得我系一个演员，观众𠵱家好识睇亦识分，观众憎我，我开心，因为竳明佢哋有留意，我之后仲会越来越奸㖭呀！”奸角都可以有认同嘅，你睇睇鹫哥就知啦，唔使怕啦山聪！