张育玲打“钟林大战”拳赛 重谈节目《造美人》︰唔系预期咁样
钟培生和林作的“百万擂台战”于本月18日举行，二人未决战已火力全开，互相“挑机”。而“培生擂台无敌杯”当日亦会有女子拳击表演赛，当中ViuTV节目《造美人》的参赛者张育玲（Kathy）将会对战《最后一届口罩小姐选举》代号“服务员”的温颖琦（Ollie）。二人的赛前准备亦进行得绝不马虎，Kathy接受《香港01》访问时，表示她们本身是好朋友，但感觉到对方好想赢，所以自己也不可以认输，难道分分钟会“冇friend做”？
Kathy本身做模特儿和直播为主，今年就因为参加ViuTV的选美真人骚《造美人》而为人认识，最后成绩是第6名。突然跳出网上平台，踩入电视圈，Kathy非常直接的说︰“主要系有钱就想揾，有嘢做就OK。”Kathy现年31岁，她直认起步迟，“其实某程度上都迟咗少少，不过唔怕啦，个样唔似就得㗎啦。”
讲到《造美人》，原来跟Kathy想像中的不同，当时是抱着试试参加真人骚的心态报名，或者当时改变自己，当减肥也好。Kathy对打过透明质酸和Botox（肉毒杆菌）等医学美容也直认不讳。当时《造美人》的造型照一出，网民认定是“骑呢”搞笑，Kathy表示︰“我初头冇谂过系咁，我唔知系咁，因为我自己贪靓，同埋讲啲扮靓、医美嘅嘢。（出到嚟有冇谂点解唔同？）少少啦，唔系预期咁样，因为我只不过系见到一个另类嘅选美，其实都系选美，我唔知系咁样。”
至于准备拳赛方面，Kathy自言也练了2、3个月。饮食上，没有太大节制，因为运动的体能消耗大，她笑言︰“饮食上如果再限制我谂我会死！饿死！”但操练上就会密一点，过去几个月一个星期最少上两堂，然后再慢慢加堂数，赛前两星期就每日都要练。她讲到跟对手Ollie是好朋友，所以感觉有点矛盾，“佢畀我嘅感觉系佢好想要赢，如果佢好想赢，咁我都唔可以认输。（会唔会冇friend做？）应该唔会，因为大家都知个比赛规则系咁样㗎嘛！但我会好多顾虑。（例如？）因为我知打落去会痛，我惊整亲对方，你话唔识嘅话，我就冇呢个……因为我会觉得畀人打好痛，我唔想打到佢，我有呢个感觉，但系系唔可以有啊嘛。”
钟培生与林作甚至已签署“生死状”，非常认真“博命”，Kathy就未知她和Ollie会否要签，“我唔知使唔使签，但系我谂我哋都未必会打死到对方嘅，我哋都系新手，以我所知，我哋都系呢两个月先有training，同埋之前都冇接触过打拳嘅运动，佢两个就真系可能会打死。”Kathy直言较看好钟培生，“始终系佢自己挑起呢个战争，同埋佢系打开拳𠮶个啊嘛。”
《造美人》又好、“钟林大战”又好，Kathy觉得无论是哪一个年代，要有noise才会有人留意。被问到会否怕有人标签她为“博出位”，她说︰“其他嘢自己又好似冇乜资格参加，其他𠮶啲我又冇谂，可能同类型嘅选美啦，港姐我又觉得我唔会去。（点解？）好似唔同嘅嘢，𠮶啲真系好传统，我冇咩太大嘅兴趣。”对于网民的意见，Kathy原来全都有看，网民骂她“港女”、“好乞人憎”、“公主病”、“八婆”等等，她觉得都是表面上观众看到的，也会有一点点不开心，“唔开心系𠮶阵个节目每一集啲人都留言，每一集啲人都会话你，even出镜嘅频率多与少都系攻击紧你，咁咪会有少少想快啲做完，会有呢个感觉，唔好再讲。起初会好唔惯，我冇谂过有咁大量嘅咁唔钟意。”
Kathy在《造美人》中，一开头外表算是标青的一位，她自言自己也很勤力保养和做facial，加上现在更多运动，会精神一点，即使没有化妆，状态也不会太差，除了运动外，要多饮水，戒冻饮，自然会靓。
点击下图看更多Kathy的靓相︰
同场加映︰“沙律”张沛乐又有新look完全唔同晒 清爽造型劲似蔡思贝