简淑儿提男友麦大力即甜到漏：好多嘢唔需要讲佢都会理解

艺人简淑儿（Jessica）于周四（2日）出席无线“马季开锣”的活动，她接受《香港01》记者访问时透露自己小时候曾想过做骑师。Jessica早前被踢爆跟麦大力拍拖，二人亦大方认爱，一讲起男友吸引她的地方，她就忍不住甜笑回应：“其实佢比较成熟，我同佢相处落，佢好顾及人哋感受，呢样系我自己好欣赏佢嘅嘢嚟嘅。（会照顾到你？）大家可以相处得开心啰，因为我觉得有时要有个人去明白你，或者有时好多嘢唔需要讲出口，佢都会去理解，去体谅嘅时候，你会发觉一齐行落去系开心好多，唔需要嗌交，因为我自己唔系一个钟意嗌交嘅人，佢亦都唔系。”

选择高调认爱，Jessica笑言“唔系佢拣”，只是被传媒影到，她说：“因为我曾经讲过，如果系我自己嘅话，未去到结婚𠮶一刻，我都系唔会公开嘅，但系如果真系影到嘅话，我又觉得冇必要佢讲大话。同埋喺佢嘅角度，佢唔系完完全全一个圈中人，佢会觉得拍拖咪拍拖啰，冇乜嘢㗎。以前嘅我系会觉得唔想讲，点解我要将我自己嘅私生活攞出来讲呢？但系佢就冇乜所谓。（觉得佢系结婚对象？）太早啦！我哋一齐咗两、三个月咋嘛。”