钟舒漫胜诉庭外接受访问　陈洁玲突然入镜抢咪讲嘢

去年钟舒漫（Sherman)和陈洁玲合资做清消毒防疫产品生意而发生金钱纠纷，其后Sherman入禀小额审裁处向对方追讨逾4万元。案件今日（3/9）终于有定案，审裁处裁决Sherman胜诉，指陈洁玲违反拆伙协议被判败诉，必需支付对方款项43,560元及讼费1,183元。

审裁官指出在2020年5月13日，双方同意拆伙协议，陈洁玲会将该61箱消毒喷雾交给钟舒漫。其后钟舒漫在6月9日提取了一箱消毒喷雾之后，而陈洁玲当时男友Victor(现任丈夫）要求钟舒漫先签署一份协议书后先可以取货，但钟舒漫拒绝签署该份协议书。由于双方早已在2020年5月13日达拆伙协议，因此陈洁玲不能够将签署协议书先决条件强加于钟舒漫身上，因此裁定陈洁玲违反拆伙协议被判败诉，需向钟舒漫支付款项43,560元及讼费1,183元。

散庭后，Sherman由胞妹钟舒褀（Sukie)陪同下接受传媒访问，期间陈洁玲突然走前抢咪要求一齐做受问，Sukei为护姐即时出口制止对方无礼行为：“唔使一齐做访问，唔该唔好啦，你真系唔受欢迎。”但对方没有理会继续发言，Sukie再向对方表明：“小姐，其实你咁样真系好冇礼貌，你畀佢哋做晒先啦，好唔好？”但都不获理睬。Sukie即时拉开Sherman抗议离开，场面非常尴尬。

陈洁玲表示：“我尊重今日嘅裁判，终于明白自己系违反咗原先嘅拆伙协议。其实我好想同佢重修旧好，亦都知自己脾气唔好，成日闹人咁样系唔好嘅，好容易造成受伤，咁所以呢样系我要学习同去反省嘅地方。我希望佢接受我嘅道歉，而呢件事亦到止为止，大家唔好再为呢啲事再纠缠落去，如果再有执念，只系惩罚自己，咁所以我系唔会对任何人有会憎恨，咁所以亦希望佢都唔好对任何人有执念及憎恨。”

钟舒漫被人骑劫访问心感无奈：“其实我都估唔到佢会咁。不过喺呢一年里面都好攰，系佢会做好多莫名奇妙嘅行为。刚才审裁官系判词入面都讲得好清楚。（陈洁玲话向你道歉！）如果佢系真心我会接受。亦希望佢将来唔好咁样做人。（佢话希望你放下执念！）等等先，调返转，反而我觉得边个对边个执念，我都唔系好知，反而系佢哋系唔想放过我哋呢边，不过我真系好唔明。（今晚点庆祝？）稍后会食返一餐正常饭。虽然案件已经完结，但令我体会到人间有爱，好多谢身边嘅朋友及家人嘅支持，睇到好多嘢，令我上咗人生嘅宝贵一课。”

点击下图逐格观看庭外陈洁玲抢咪、钟舒漫姊妹离场情况：