专访︱“马拉Karen”龚柯允曾为自由挨出病：小小事都触发到情绪
ViuTV选秀真人骚《全民造星III》落幕已经有半年时间，到底大家还记得哪几位参赛者？可能“马拉Karen”龚柯允绝非大家第一时间想起的一个，但她的实力却是毋庸置疑，歌声悦耳绝对是参赛者中数一数二，绝对配得起“小天后”之名。
可是，Karen一直被指唱歌空有靓声、欠缺感情，《造星》初段时已经被A组导师林二汶批评她“实力见底”，最终在第29集被淘汰，30强止步。灰心当然有，但Karen好快便收拾好自己心情，更找方法恶补自己的弱项，向B组导师彭秀慧拜师学习情感表达，学成归来后更在无线节目《劲歌金曲》中，以《一转眼》这首新歌令人刮目相看。
点击下图观看《全民造星III》和《劲歌金曲》相关图片：
龚柯允上《劲歌》显身手 反击被指实力见底：之前系未揾到突破点
仔细审视Karen的演艺经历，不但看得出多次高低跌宕，亦会觉得她有点笨，因为她竟然中途选择抛低所有，毅然来港由零开始。出生于马来西亚的她一早在家乡乐坛略有成绩，后来进军台湾更是名气三级跳，最一鸣惊人，绝对是台湾歌唱选秀节目《超级偶像（第三届）》中击败总季军段旭明的经典演出，所以她如果在上述任何一个时间点，继续留在当地发展，就算此刻未登天后宝座，亦相差不太远。
“其实系我同屋企人有啲故仔，我爹哋管得我好严，我比较男仔头，佢好担心我学坏，七点钟就要我返屋企，夜晚唔可以喺朋友屋企过夜，所以我谂，如果有机会走，愈远愈好。”
Karen到18岁便得到了离家出走机会，她考入全国排名第二的拉曼大学后，便一个女仔执好行装离开东部城市纳闽，飞到离家乡两小时机程的吉隆坡读书。“我一落机我去咗‘星光大道’（武吉免登）不断奔跑，觉得自己终于可以呼吸新鲜空气，终于可以冇王管。”
由吉隆坡到台湾再到香港，愈飞愈远，Karen直认有斗气成份：“我爹哋而家70岁，我同佢争30几年，我同佢系有代沟，我好记得我同佢讲过，‘你唔需要支持我，得㗎喇，我自己搞掂晒’。”
Karen仲系好有少女味，点击下图观看专访靓相：
可是，Karen来港头几年，处处碰壁，演艺事业不但停滞，积蓄亦弹尽粮绝：“𠮶时我接到爹哋电话，阿女我都知道你辛苦，好攰，你考虑下返嚟啦，𠮶时大概系2013年，𠮶时啱啱好搣晒啲钱，我𠮶时系谂过去7-11、百佳打工，都有最低工资吖，我放得低㗎，冇钱食饭、冇地方住㖞，所以我同老窦讲‘我唔返喇’，但系我个心系好Warm嘅，融化咗原本好冰冷嘅心，感觉到佢系无限支持。我喺度谂，如果我就咁放弃，咁佢嘅支持咪白费啰。”
或许天无绝人之路，Karen与此同时遇到在港发展的第一个伯乐──音乐人赵增熹：“我问佢可唔可以帮我搞Working Visa，我想喺香港打工，佢话‘打咩工，你不如入我公司啦’，继续做音乐、学音乐，然后我又喺里面做文职，做Admin、会计，为咗逗份人工去做音乐，先至维持到自己梦想，点知一离开赵增熹老师间公司，当然系和平分手，但又去返冇收入嘅状态。”
“我系有储钱嘅，我亦都好悭，我可以一个烧味饭分两餐食，我好快饱，好易养。”经济压力挨得到，情绪却遇上问题，Karen坦言当时患上情绪病，入䢂、等过马路时，窒息感、晕眩感总会突然侵袭：“我觉得系同咁多年唔稳定、浮浮沉沉有关，又见到好多人情冷暖，搞到好多垃圾积喺个心度，小小嘢都触发到自己。”
幸而，Karen后来认识到关心妍、罗力威和雨侨，他们慢慢解开她的心结，让她有情感上的出口：“最令我走出呢个情绪，系两年罗力威帮我写咗首歌叫《海女》，我收到份词𠮶时，我直头系喊到崩溃，因为我终于觉得有人系明白我，而呢次嘅崩溃亦令我掉咗好多唔开心嘅情绪出嚟，乜嘢都Gur番晒。”
当然，最令Karen放下心头大石的，还是三个月前签约天盟娱乐，做陈展鹏师妹：“而家舒服好多，唔使再自己跑台，唔使自己约记者访问，呢啲嘢之前自己做我直头系觉得好难，因为我系有少少比较内向，我直头系谂过唔好派新歌。”
36岁才有新开始，好迟？Karen说：“其实我比任何人都恐惧，因为太多人话畀我知我唔得，而家唱歌比赛，最细嘅参赛者得14岁，我系佢嘅Double有多，不如叠埋心水返大马专心做榴梿生意仲好，但系我唔信人哋话我唔得，我信我自己，数字唔系一个问题，年龄唔系一个问题。”就算今次成绩仍然未如理想，她亦没有想过Deadline：“关关难过关关过，我当初搞榴梿直送、榴梿月饼都系误打误撞，衰咗咪食少两餐啰，唔会死，最紧要系可以继续用音乐影响更多人。”