龚柯允上《劲歌》显身手 反击被指实力见底：之前系未揾到突破点
撰文： 陈栢宇
出版：更新：
“马拉Karen”龚柯允转投新公司后，受到老板颜培意器重，大晒金钱，先后为她举行加盟发布会和她做主角的电影包场举行欣赏会，近日更为她请来星级歌唱老师洛诗婷（Christine Samson，六十年代香港乐队D'Topnotes主音）教她声乐，及化妆老师教化妆。
Karen星途都算崎岖不平，曾经系马来西亚、台湾及香港出道的她，一直未有一个好机会令大众认识，直到上年参加了真人秀节目时被批评音乐潜能已见底，但唱片公司老板觉得Karen唱功仲未见底，还有潜能未被发掘，完成比赛后旋即商讨签约成为旗下歌手，她受访时表示 :“其实参加真人秀节目嘅时候，可以算系自己最迷茫嘅阶段，当时系希望可以透过节目令自己再进步。当然系节目入面我得着咗好多，但系歌唱事业方面我就好似一直塞住咗系樽颈位，好难再有新突破。当时真系有啲唔开心嫁，始终我最钟意都系唱歌，我唔想放弃。真系好幸运得到老板赏识，仲安排我上星级音乐导师Christine Samson老师嘅堂，老师除咗调教我嘅唱腔之外，亦教我点样先去了解自己，再将自己同音乐去结合，揾一个最适合自己嘅唱腔。”
曾经被评已经音乐见底的Karen，早前就同谷娅溦在无线（TVB）节目《劲歌金曲》合唱，节目出街后Karen表现大获好评，于Solo新歌《一转眼》更系首位得到爆Like支持，其后Karen更获老师称赞 :“好开心得到老师称赞，老师讲可能我之前太被自己框住咗，所以就好似已经见底咁，但其实只系未揾到一个突破点，好开心遇到老师，佢帮我可以突破到呢个框框，亦要好感激老板培哥畀咗呢个机会我，希望我日后可以再畀到更多唔同嘅自己畀大家见到。”