陈凯琳妈妈首回应混血儿外貌原因　认曾抗拒郑嘉颖：听闻佢好花弗

陈凯琳2018年嫁郑嘉颖，火速诞下两个可爱囝囝，两年抱两相当幸福。5月9日就系一年一度母亲节，Grace喺IG上载同妈妈陈刘慧娴拍摄嘅短片，陈妈妈最近仲接受车淑梅访问，首次回应仔女混血儿外貌原因。

曾有人将港姐冠军Grace 与龙凤胎弟弟 Derek 混血儿标致外貌，与大女 Joyce 作比较，坊间亦流传大女曾因妹妹太靓而感到自卑，陈妈妈回应话：“其实 Grace 同 Derek 龙凤胎出世𠮶阵同大家姐一样非常白净，但突然喺 14、15 岁嘅时候眼大咗、脸尖咗，阿仔须根多咗，可能我嘅妈妈系马来西亚人，拥有亚裔嘅容貌，细路又喜欢户外活动，又或者加拿大嘅食物有好多荷尔蒙啦！”

陈凯琳同细佬开Live互窒　反击Derek被指唔似中国人：佢好传统

坊间亦流传大女曾因妹妹Grace太靓而感到自卑，陈妈妈就话：“大家姐 Joyce 比较运动型、率性、唔计较，系好柔和嘅人；相反 Grace 3、4 岁开始已经唔著裙就唔肯出街，有一次去海洋公园，佢硬要著裙，否则佢宁愿唔去，结果佢真系选择留喺屋企。坦白讲，Joyce 14、15 岁进入青春期，我真系问过佢‘如果有人话妹妹靓过你，你会唔会唔舒服？’Joyce 直说唔会：‘佢（Grace）系我妹妹，每个人都靓，只系角度唔同，其他人唔可以用容貌去分裂我哋，否则我会将话题停止。’”

点击睇陈凯琳同孖生细佬由细到大合照：

提及 Grace 事业刚起步便受到郑嘉颖热烈追求，传闻当时陈妈妈并不接受，佢亦直认不讳：“系呀！一、我唔认识佢（嘉颖）；二、听闻佢好花弗；三、年纪都有少少影响，怕佢只系玩玩吓。我初时唔想见佢，因为我惊唔知点面对佢同相处。因为呢次系 Grace 嘅初恋，我真系好惊，好唔开心，唔知点算好。”深入沟通认识后陈爸爸陈妈妈完全接纳郑嘉颖，更大赞女婿系个好老公：“郑嘉颖结婚之后，我更加认识佢，佢以家庭为重，重到我要叫佢减啲，唔好咁夸张，佢成日问老婆舒唔舒服，我话佢而家已经好好，佢话应该仲可以好啲，成日叫 Grace 唔好悭钱佢好抵锡！我畀佢 101 分，𠮶一分系上帝额外加上去嘅！”