日日妈妈声︱杨卓娜被封最佳继母　面对冲突：只能够代入妈妈角色

43岁杨卓娜同从事灯箱生意嘅杨志翘一直恩爱，二人嘅囡囡豹豹都已经11岁，但原来二人一直未注册结婚。被外界称为最佳继母嘅杨卓娜，对2名继女视如己出，呢日佢担任《日日妈妈声》嘉宾，谂起心酸事都不禁哽咽。

日日妈妈声｜叶凯茵怀孕9个月因妊娠毒血流产　拒见BB最后一面

当年杨卓娜做手工艺老师时，因为2个学生认识到佢地爸爸，亦即系依家嘅另一半杨志翘：“一开始我同老公两个女系好似朋友咁，因为我系佢地老师，我地好多家庭活动都一齐，感情系同小朋友比较熟稔好开心，佢地都好接受我呢个人，喺佢地屋企好自然咁出现。去到身份改变我自己好惊，因为课堂上嘅接触，同生活上接触可能好唔同，同埋我唔知佢屋企人特别妈妈𠮶边会唔会同佢地讲啲咩，佢地身边朋友唔知点睇，都会影响佢地情绪。”

日日妈妈声｜林盛斌否认追仔爆老婆曾流产　Bob嫂受妊娠糖尿之苦

面对继女，杨卓娜坚持以朋友般方式相处，但生活上相处时总会有磨擦，提起呢啲点滴佢都不禁哽咽：“佢地青春期时遇到好多人听到好多意见，又未识分辩唔识筛选，感情上可能萌芽，但人选可能父母眼中唔系太适合人选，就会同家庭好大冲突。我又唔可以话我唔钟意你做乜乜乜，只能够代入妈妈角色话如果你妈妈咁你会点。有时同2个年长嘅女儿发生冲突时，我个心都会好难过。我都无去谂自己做得好唔好，我觉得自己都有啲机心，觉得我用自己身份同佢讲未必会接受，所以我代入话如果你妈妈在生时佢会想你点点点。”