李施嬅订婚后首现身 认未婚夫介意艺人绯闻：我慢慢训练到佢接受
撰文： 赖家杰
出版：更新：
艺人李施嬅早前IG在宣布订婚，未婚夫随即被起底，据报道指，对方是一名星级私人健身教练，名字叫车崇健（Anson），但其身份相当神秘，更有传是红遍网络的“人生教练”车志健（Brian Cha）的弟弟。
今天（15日）是她自订婚后首次出席公开活动，施嬅感恩大众的祝福：“其实我一直好想讲，但因为我另一半系圈外人，我觉得要畀少少空间佢，同埋要慢慢适应，要同一个演员谈恋爱系一件好大压力嘅事，始终会畀人跟，又会畀人讲。”
对于演员之间不时会传出谁与谁有绯闻，施嬅坦言未婚夫是介意，但已经尽量辅导他：“我慢慢训练到佢接受，希望佢唔好咁紧张。咁艺人成日都话边个同边个拍拖，大部份绯闻都唔系真，我真个个又冇影到，佢未惯，但我一路辅导下佢，系咁㗎啦，我叫佢当睇故事咁睇就算。”
二人拍拖已有4年时间，求婚方面早有共识，施嬅直言：“其实会知道求婚，会讨论咗先，佢求婚一刻都预咗。（有咩咁吸引你？）佢个人好正面，好勤力工作，同埋佢好支持我工作，支持我追求梦想，因为大多数人都自私，希望另一半经常陪伴，但我成日飞又成日拍嘢，呢方面我系好感恩，揾到一个咁体谅嘅人。”
李施嬅未婚夫除咗系星级健身教练 仲系人生教练Brian Cha细佬？
至于未婚夫被起底，有传是“人生教练”车志健（Brian Cha）的弟弟，施嬅说：“可能嚟近都会好多人话佢系边个边个，所以我唔回应佢嘅事，咁我同佢之间嘅事我Ok嘅，但始终佢系圈外人，佢同佢屋企人嘅事我都唔会回应。”
点击下列图辑，欣赏更多靓相：
+5