专访｜钟培生直认拣女友“样靓身材正”系基本︰我系肤浅啲嘅

钟培生这个名字，近日经常和林作连在一起，二人的拳赛令人关注，但撇开这些不说，外界对他的认识或许停留在“富三代”、“火爆”等字眼上。当日专访地点是在他住的浅水湾万呎豪宅的花园，单是花园这里，可能已经比很多人住的屋大。访谈间，他虽直认自己是“赢在起跑线”，但他强调自己也有贴地的一面，无论是生活上，或是感情上，试过追女仔失败，也不时被人hurt。
摄影、短片：叶志明
剪接：吕志豪

现年30岁的钟培生家庭背景显赫，祖父是“工厦大王”、华厦置业的创办人钟江海。而他自己早在22岁创便立香港电竞公司，他的公司早于2017年市值已经超过上亿港元，年轻有为。出身背景跟一般人不同，难免会给人离地的感觉。他自言自己“唔系好理人谂乜嘢”，兼自认“惹火”。

家境好，面对的可能是跟一般人不同的问题，钟培生表示︰“一开始我都会prove自己嘅能力，所以无论我读书、做运动、做生意，好多嘢我都会想prove我自己系靠自己，同屋企嘅嘢系分开。”意识到自己的不同后，他说︰“反而系更加感恩呢样嘢，个天可以畀我去闯，与其（如果）我喺个环境唔好嘅地方出生，我根本就冇机会去start电竞呢个行业，我一定要养家，呢个系好高风险嘅一个行业嚟㗎嘛，我一定要去打工，去养屋企，我而家系冇呢一个屋企人嘅负担喺度，咁我可以做任何我自己钟意做嘅嘢。（都真系赢在起跑线上？）系，就系因为赢在起跑线，所以更加要做更多嘅嘢。”

究竟富三代的生活跟一般人有什么不同？他直认绝对有不同的地方，“但问题系我都会食茶餐厅你又唔讲？我都会食KFC，我都拍过条片食KFC㗎，咁KFC喺香港系人都可以access嘅嘢啦，我都会去IKEA食嘢，我都会去戏院睇戏，咁当然我有啲好luxury嘅生活啦，例如staycation我去总统套房，我搭直升机去西贡，咁问题系所有人会做嘅嘢我都会做㗎，系个生活标准唔同咋嘛。”有时钟培生会把生活拍到YouTube片中，却引来了指他“炫富”的声音，他回应道︰“我做紧我自己啫！咁其实我出世已经系炫紧富啦，我抛头露面出嚟讲嘢，咁已经系炫紧富啦，我就唔系好care人哋点讲。”

虽然生活可以富贵，但钟培生指自己不一定要奢侈的生活，自己也不是花太多钱，“我用一部好旧，烂晒嘅iPhone，我送咗好多部新嘅iPhone畀大家，但系我用紧部旧机。我送电脑畀大家送最靓嘅，我系用一部2012年买嘅机，我部电脑嘅hard disk系256GB，仲细过部电话，所以我系好唔使钱喺自己身上。”他对生活上的要求不多。

钟培生的感情世界也连带备受关注，他拒谈现在有没有女朋友，明言不想讨论。媒体曾报道他暗恋初恋十多年才一起，他澄清那位不是初恋，他的初恋是在15岁，而被他暗恋十多年的前女友，是他的理想结婚对象，恋情只维持了5个月，却为他带来了一个长情的形象，关于这位前女友，他不愿多谈，不想“消费”对方。但有关感情观方面，他说︰“专一就睇对手㗎啫，你值得我专一，值得我好咪好啰！如果唔需要嘅，我咪可能会我行我素啲啰。”

讲到身边是否很多女生围着他转，他没有正面回应，只说一句“你拣人，人拣你”，又说︰“我唔系好care𠮶个人出身嘅，样靓身材正就梗㗎啦，我会有要求嘅，但系可唔可以一齐进步系最紧要嘅嘢，我都会想有个人系解决到我问题，唔系增加我问题嘅女人，咁如果佢系可以解决到我问题，令我思维上有进步嘅，加上所有外观，我系肤浅啲嘅，外观系OK嘅，咁可以试吓啰，咁你唔会系人都OK㗎嘛。”他续说︰“咁一样有个知书识礼嘅女仔，大家闺秀，咁佢都会有要求㗎，咁有要求冇问题㗎！”

那到底是否有很多女生投怀送抱，他轻轻叹一声气，说一句︰“边有咁着数啊！尤其是而家咁样影（被访问），个个都咁样谂，搞到冇人投怀送抱。”没有人投怀送抱之余，他直认不时会追女仔失败，“系人都会失败㗎啦！问题系你追得几用力㗎啫，我对佢有兴趣，佢对我冇兴趣，咁咪停啰，咁呢啲算唔算失败啊？但系你话搞场大龙凤，日日约食饭，示晒爱咁样，咁我亦都唔会去到呢个地步，因为我觉得如果佢唔识欣赏我嘅好，我亦都唔会作贱自己，去特登please佢啰，咁都唔夹啦系咪先？”他又认自己常被人hurt，自认专情，若果跟对方进步的步伐不一样，就跟他的期望有落差，会感到受伤。

专访当日刚进行完“钟林大战”记者会，记者会在户外进行，不时下起毛毛雨，不停接受访问的钟培生却非常关心记者和摄影师的器材，立即叫人帮忙照顾，虽然有“惹火富三代”之称，不过看来私底下的他，也不是如此火爆，反而有识做又细心的一面，照理应该有好多女生“埋身”？

点击下图重温记者会当日和其他专访照片︰

点击看钟培生YouTube频道的约女系列：

同场加映︰盘点圈中14对撞样夫妇　林峰、张馨月愈嚟愈有夫妻相