与钟培生签生死状打擂台战　林作认为钱：你畀一百万咁我死都要打

钟培生与林作的百万擂台大战今日（5日）举行记者会，这场“林钟大战”掀起全城热议，双方就拳赛签订合约，而合约列明8条规例，拳赛将分为4回合，每回合两分钟进行等。钟培生与林作连日来在网上隔空开火，而林作在接受《香港01》访问时透露会跟向柏荣师傅操练，更表现得信心十足：“我觉得十拿九稳，下个礼拜开始严格嘅操练，今个礼拜我哋倾好晒嚟紧嘅策略，所以都期待。（记者会火药味好浓，当日更加？）梗系会啦，今日系前戏，真系打嘅时候我谂真系十级架喇，呢个程度好闲。（钟生成日话睇你唔顺眼？）我觉得好正常，反映住好多未必有我咁叻嘅人嘅妒忌心，人之常情，我唔怪佢。（系咪都当系生意？）呢场比赛我绝对系因为钱而加入嘅，如果你畀一皮畀我我死都唔会同你打嘅，你畀一百万我咁我死都要同你打。”

对于今次参加拳赛，林作表示屋企人都好支持：“都系睇钱份上啰，至于我嘅生死同输赢佢哋唔系睇得好重嘅。（妈咪今日都嚟支持你？）佢嚟唔系支持，睇下几时有票收啫，系咪真系有一百万。（裕美系咪都有同你打气？）有呀有呀，佢好支持我呀，都多谢佢，佢都会同我练。（赢咗系咪会结婚呀？）我基本上喺屋企都经常打赢，所以都未结婚，应该唔系好关事。”

而林作妈妈都有到场支持，更表示担心儿子的安全：“之前系支持佢，后尾有啲担心啰，真系嚟真，要度好会发生咩事呀，咁我都要了解多啲呀嘛，我都要嚟睇下咩情况，咁我睇香港咁多记者支持佢，呢个赛事都系要打，但系双方之间就要沟通好，安全问题啦，大家都要睇下点样讲究。第二呢就系畀到香港人开心娱乐，你既然讲咗出去就要做，唔好半路退出，咁就唔系林作做嘢嘅方向。佢做人就系咩都好好强，咩都要争第一，包括考大学呀，做保险呀，做任何嘢佢唔输得嘅，所以呢点系我个仔最有信心嘅。（今日嚟到有冇放心啲呀？）今日第一次见钟生，我觉得钟生好似都操得好Fit㖞，所以都有少少担心。”

合约列明免除各方因拳击赛事引致拳手死亡或受伤的任何责任，包括但不限于所有日后之法律追讨赔偿等，拳手亦不可向主办方及有关人士追讨，对于双方签好“生死状”，林作妈妈都好担忧：“一签完𠮶下吓死我喇，希望我个仔今次得啦。（但如果佢受伤都好惊㖞？）系呀，我得一个仔，如果佢受伤我就唔知点好喇。（头先林作讲笑话妈咪嚟系为钱，你系咪都好想佢赢到𠮶一百万呀？）系呀系呀，梗系啦，人赢咗𠮶下好有成就感，所以我都希望佢赢呀。既然能够出嚟挑战呢个赛事，我希望佢赢返嚟啰。（为咗鼓励佢有冇同裕美一齐支持下佢呀？）咁我就同佢冇关系喇，佢还佢，我还我呀，我同佢感情嘅事冇关系啰，唔倾𠮶啲嘢。”