汤怡结婚｜麦秋成对太太呵护备至 感激郭富城到贺：捉住佢对手
撰文： 洪晓璇
出版：更新：
汤怡麦秋成选择喺元宵佳节拉埋天窗，疫情下举行小型婚礼签纸成为合法夫妻。完成仪式及酒会后，一对新人喺下昼4点几会见传媒，应要求连咀三啖大晒恩爱。问到最爱对方啲咩，Kathy同麦秋成话：“最钟意老公有耐性，我以前比较慢热佢会耐心陪伴；阿怡对我好脾气好好，性格好好。”
一对新人一直十指紧扣，做访问时都轻揽老婆相当甜蜜：“仲未习惯人哋叫麦太，要开始习惯下。寻晚唔系瞓唔著，系太多嘢处理3点先上床瞓底，仲坐喺床上倾有无咩遗漏。上头时好感动，睇住爸爸妈妈谂返好多嘢。”
疫情下只能宴请少量宾客，郭富城亲身到贺令佢哋最为惊喜：“头先见到城城嚟到好惊喜，即刻捉住佢对手，因为之前一直无confirm会嚟。真系对我好好专登抽时间嚟，我由细细个钟意佢又一齐工作，佢嚟到好开心。”
+7
同场加映：汤怡结婚｜郭富城出席婚礼 除咗老板杨受成仲有乜宾客到场?
+7