张敬轩重提因政治立场遭内地封杀：当时Mani好惊我睇唔开

张敬轩为宣传《佾郎君》卡拉ok版本，特意在年初一零晨在IG开live，期间除邀请几位独立音乐人、MIRROR成员Edan吹水、唱歌外，轩仔亦有有献唱《情归何处》、《无忘花》，两个多小时嘅Live高峰时期有近万多人观看。

吹水之余，轩仔亦有提到有乐迷反映《盛乐》演唱会DVD音质大不如前，认为他近年是为了做生意（仙后餐厅、婚纱店），所以将音乐当成了副业。轩仔在直播时，除了解释《盛乐》演唱会收音问题之外，亦提到开设仙后餐厅是他重新振作的原因，因为在餐厅的前一年（2016年）工作以及私事都令他精神、身体吃不消，是十分难挨的一年。

“而家过咗先话返比大家知，当时助手同埋广州英皇的周老板，零晨三点敲我屋企门，我见佢哋面色好难睇，我呢一世都唔会忘记，我当日下午仲拍紧一个内地综艺节目的访问，其实已经好攰。佢哋面如死灰坐喺我客厅，问我有无睇新闻，并话我知发生咗啲事，我听完之后‘好，咁可以订返机票去旅行’当时未系好反应过来，觉得唔去唔算可惜，因为自己本身唔系好比赛类型嘅人，我问佢哋做咩半夜三更上嚟，周老板受Mani所托，怕我受唔到刺激、睇唔开，我话唔会啦，仲松咗啖气，因为我系紧张大师，何况参加咁大型活动，我赶佢哋都唔肯走，同埋我入行咁多年有咩风浪未见过。”

轩仔透露二人最终坐到天光才肯离去，而他亦因事件沉寂了很长时间，轩仔所指的事件，其实是他在2016年时参加湖南卫视《我是歌手5》前突然因政治立场而被“消失”，随后内地官媒的文章指“有艺人一边在内地捞金、一边辱华涉独”，疑似批评轩仔相关言论。轩仔指当时除了公事，其爱犬“饭团”亦患上重病，他说：“当你以为唔好咩？点知个天再比啲更唔好嘅嘢”其后他决定向公司请假，除照顾爱犬外，个人亦需要时间静思：“我份工好似唔系好安全，好似……都唔到你拣，公众人物好多嘢杀到埋身，你都唔知点招架，人几时都系靠自己，于是就胆粗粗做咗仙后餐厅嘅power point，向合和老板推荐，所以仙后餐厅系我一个出口，因为有呢件事，我将缺口变成出口。”

轩仔又提到自己从未谂过要做商人，因为第一次做生意已经蚀了大部分身家，但他只从做生意后确实少了时间做音乐。“不过前年开始我已经淡出管理，2021年会减少生意上嘅嘢，会专心做好飞图，做多啲好歌，大家畀啲时间我。”

同场加映：黄夏蕙为上头炷香曾被扯甩假发　每年12生肖造型成焦点

同场加映：陀枪师姐2021｜何依婷肉搏郑俊弘　被摸匀全身：希望唔使再坐大髀