陀枪师姐2021｜何依婷肉搏郑俊弘　被摸匀全身：希望唔使再坐大髀

何依婷近年受无线力捧，除获安排主持不少综艺节目，今年又被安排在翻拍经典剧集《十月初五的月光》，接演原版佘诗曼的角色“君好”。能够获高层力捧，肯搏绝对系原因之一，相信唔少观众仍然对佢喺《机场特警》中，穿短裤坐杨明大髀记忆犹新。

喺剧中爱坐大髀嘅佢，在《陀枪师姐2021》中，又再重操故技，虽然短裤变成短裤、杨明变成郑俊弘，但丝毫无影响观众入场程度。饰演社团话事人女友嘅何依婷，一出场就坐喺郑俊弘大髀上，与对方扭作一团，不停狂锡对方，而郑俊弘亦以“搜身”作回礼，埸面香艳。其后当郑俊弘离场后，留下华Dee(罗子溢）同Hang机(关曜俊)，对手唔同，何依婷一样奔放，玩人肉层层叠之余，又摆出多个撩人表情。其后嘅剧集讲到何依婷之所以咁奔放，其实系因为受到毒品所影响，由于郑俊弘被黑白两道追杀，搞到佢都要为仔死为仔亡。

对于又有大髀坐，何依婷接受《香港01》访问时，指该场戏份其实系佢第一日为《陀枪》开工，加上又第一次见郑俊弘，所以其实都几尴尬：“不过导演同Fred都好好，事前有沟通，同埋有好多借位，锡锡都无真锡，坐大髀亦唔系坐到好埋。同埋导演好厉害，借位都可以拍到咁真实。”问到怕唔怕成日坐大髀会影响形象，何依婷坦言唔想有太多身体接触：“自己之前讲过，希望可以唔使再坐大髀，我都怕羞。”

点击下图睇何依婷演投大奔放