Netflix│《客：The Guest》除夕必煲　心寒气氛令人睇到背脊发凉

Netflix 迷之前应该几开心《后翼弃兵》之后《今际之国的有栖》，跟住《Sweet Home》，但《Sweet Home》之后呢?三套都系两日可以睇哂嘅剧，除夕假期三日半，冇得出街，冇得倒数，又唔想睇倒数骚，点算，韩剧《客：The Guest》帮到你。

呢套2018年嘅韩剧最近在Netflix上架，《客：The Guest》故事主题系驱魔，三个主角女警(郑恩彩饰)，的士司机(金东旭饰)，神父(金材昱饰)，三位童年一同经历一件撞鬼事件更令其中两位有一个悲惨的童年，听到鬼剧，大家第一时间一定系谂“哦,突然间弹出嚟𠮶啲呀!”《客：The Guest》唔系用呢啲技俩，呢套剧恐怖在每一场戏都系砌积木，一层一层将观众的恐惧慢慢堆积，不知不觉越看越心寒，令你情绪非常崩紧，以首集嚟讲，至少有四个位睇到人起鸡皮，之后嘅两集亦对观众步步进逼，非常之刺激。

除咗惊吓情节仲学到嘢，因为故事以韩国传统巫术同天主教的驱魔为主题，当中的情节，仪式还原度都非常高，亦都因为场景设计紥实，质感强，令观众好容易投入，疫情之下，冇得出街倒数，除咗喺屋企睇汪阿姐，周柏豪倒数之外，《客：The Guest》一定帮到你，而且心理学家讲过，刺激的活动，例如鬼屋、过山车等，有助增加男女感情，咁呢个一定系最佳理由啦，一家人睇就更好feel!

【客：The Guest】金东旭主演全年最血腥韩剧　疯狂插眼球好变态