于文凤曾预支物业分成 周星驰：女朋友话等钱使咪畀佢先
星爷周星驰被旧爱于文凤入禀追讨逾7000万港元的豪宅及基金投资分成一案，今日（26日）继续于高等法院开审，于为原告，周为被告，于由前律政司袁国强代表，周则由资深大状文本立代表。周今日是第二日亲自出庭应讯作供，接受于的代表律师袁国强提问。
周曾于2003年出售旺角先施大厦帐面赚了1300万，袁问周为何没有就这宗交易利润的一成给予于，周说：“喺𠮶段时间我有好多物业嘅买卖，我都唔记得咗有呢个买卖，同埋我畀于小姐嘅分成，大部分都系于小姐提出嘅，可能佢喺呢个交易无提出到，所以就无畀到佢。”袁质疑周既然说给10%分成给于是礼物，为何是于主动提出才有，周说：“首先呢个真系一个讲法，一个心意，细节我亦都唔记得，或者𠮶时好忙有其他嘢做，呢个系我嘅谂法，如果大家讲起咪会做，我真系唔记得。呢个系我畀佢嘅礼物，点解佢当时无问我，点解我当时无畀佢，究竟里面有咩原因，我已经唔记得咗。”
周星驰认提出给于文凤10%分成 属表达对女友心意：是两人的私事
袁问周是否10%分成的礼物直接开支票给于就可以，不用有其他文件，周说：“对我嚟讲就系畀钱啦，其他嘅嘢我啲同事会做。”周更表示：“咁个女朋友帮你赚咗啲钱，你分啲畀佢做礼物，我觉得呢个系好正常。”袁问是否无论在物业又或是股票买卖上，周说：“基本上系。”
今日（26/11）最新情况
点撃下图睇二人关系！
于于2007年曾有一次在物业未出售就向胞姐周文姬要求付款10%分成，周表示：“对于呢啲，我嘅记忆系模糊嘅，我大概记得有件咁嘅事，但系细节系模糊嘅。咁如果你女朋友话等钱使，咪畀咗佢先。”袁问周，于可有跟他说过等钱使，周说：“我唔记得，唔好意思，其实我唔系一个记性好好嘅人。”袁即笑言：“唔紧要，我都唔系。”
周星驰承认高度重视私隐 经常独自食饭睇楼：Enjoy being alone
点撃下图睇于文凤！
点撃下图睇周星驰抵押的豪宅“天比高”