【挨足29年】麦包本月约满随时拜拜　讲起眼湿湿：未试过咁彷惶！

在无线服务29年的麦包，今个月将会约满，但合约一事仍未达成共识，即系话麦包好大机会离巢。麦包饰演过无数经典角色，2010年《巾帼枭雄之义海豪情》的非凡哥，上一辑《爱．回家》的宽哥，演技不容置疑，他昨晚出席《街市游乐团》煞科宴表示，这一年过得不容易，2月拍完《爱．回家》后，就未拍过剧，令他一度怀疑自己，他说：“我都有谂过呢个问题，我系咪已经冇咗价值呢？如果我真系冇，我自己都要离开，人哋留你都唔好意思啦，（有冇怀疑过自己？）有呀，我今年系好怀疑，系咪我自己做戏唔得？定系我平时讲嘢得失人？系咪呢？我唔知，我亦冇答案，亦令我唔知点算？”

本周六（19日）无线49周年台庆，麦包可能最后一次出席，他最不舍一班同事，他说：“做咗29年，今年好迷茫，睇唔到前境，年初发生咗所谓嘅换角事件，之后一路都冇工开，自己未试过咁傍惶，唔知点算，自己亦有头家要照顾，今年系谂多咗嘢，而家都仲倾紧，但未知......我踏出学校门口，就系TVB嘅门口，未离开过呢行同TVB，所以你问我行出TVB门口，我都好傍惶，所以都唔知点？但我唔怕重新嚟过，如果呢到冇机会，都想出面试下，或者同唔同嘅人合作，最唔舍得系一班梳头、化妆、服装，演员、制作团队，无论自己高低起跌，遇到问题嘅时候，走埋嚟拍拍你膊头，打你心口一锤，系令你好温暖，令你觉得有人撑住。”