专访｜Jeffrey魏浚笙自认“低B”乜都惊：一个人食饭会觉得好寂寞
香港多年已经没有超新星，如果说对上一个未正式出道就跑出的新一代小鲜肉是《全民造星》的姜涛的话，那么早前凭着ViuTV真人骚《调教你男友》成功引起全城关注的Jeffrey魏浚笙，就是第二位“姐姐杀手”。皆因他外形青靓白净、带有少少混血儿的异国风情，再加上健硕的身材以及极反差的性格特别深受姐姐、姨姨观众的青睐，节目完结之后人气急升，更成为各大广告商的宠儿，各大传媒都争住追访他。不过Jeffrey却笑言自己隐藏不住真实的自己：“我一开声就大镬啦！”
撰文：赵允琳
摄影及短片：叶志明
剪接：梁惠怡
专访场地提供：Rosewood Hotel 香港瑰丽酒店
1998年出世的Jeffrey未拍节目前已经薄有名气，拍过KFC、CSL和家乐牌浓汤宝等等多个广告，亦能在不少品牌活动上见到他的踪影。自从出演节目后更是人气十级跳，亦有不少经纪公司争住要，但他却暂时未有想法签公司做艺人，认为自己还有一年就大学毕业，应该先完成学业再考虑演艺事业：“一个人最重要有学识，呢个系内涵、内在要有嘅嘢，唔可以咁冇学识，所以开始要努力读返书。屋企人希望我呢一年都系专注学业先，唔好咁早出嚟做嘢，等读完书先再谂。一个礼拜返4日学好多嘢做，都占咗我好大部分嘅时间！”
虽然Jeffrey望落去拥有偶像般的外形，但其实他以前是个肥仔，小时候更用过不少错误方法减肥，例如长期节食及饮咖啡去水肿，虽然现时已经没有再反弹过，但却养成一个不良的饮食习惯：“我用8小时断食法，可能2点几食咗个面包就去拍嘢，但过咗8点我又唔食得嘢，结果𠮶日我可能咬咗个包就成日唔食嘢，久而久之就会长期好肚饿。”
他又表示自己很容易水肿，所以每逢拍摄都会长时间挨饿，只为了自己上镜时更好睇：“我一水肿个样同而家完全两回事，如果我另一日要拍嘢，我前一日嘅晚餐又唔食得，同埋第二日拍嘢10几个钟，挨住20几个钟唔食嘢，我之后又会疯狂食嘢，拍完我又会疯狂食番三、四人份量，所以咁样嘅饮食都冇办法操到腹肌！”177cm高的Jeffrey现时体重维持在68kg左右。
Jeffrey出了名是一个“咖啡中毒者”，就连他的粉丝都自称“咖啡豆”。他解释自己之所以无法与咖啡脱离关系，是因为实在太依赖咖啡去水肿的功效，就算想戒也戒不了：“我觉得我都几糟蹋自己嘅身体，我以前为咗shooting（拍摄）为咗瘦买三罐500毫升嘅咖啡空肚饮，𠮶阵时唔会有事㗎嘛！但我冇咖啡系上唔到镜会肿到猪蹄一样，但唔饮我又会好头痛，我试过戒14日，但每日都好头痛，可能我真系上咗咖啡瘾，一冇咗咖啡就会好辛苦，所以我而家转饮斋啡，但都一定唔可以空肚饮。”
不要以为Jeffrey经常健身就一定有强健的身体，他虽然年纪轻轻，但已经开始觉得自己的新陈代谢变得缓慢，就连伤口亦要很长时间才复原：“我系啲水土不服嘅人成日都肚疴，我肠胃好差又唔可以饮奶，一疴可以疴10几次，好辛苦！同埋我唔可以饮酒，因为我一饮就头痛就瞓唔到觉要食药，个头好似就爆咁！以前朋友约我饮酒我都会去，但慢慢大个，我觉得健康更加重要，所以我变得开始更注重自己嘅身体。”
Jeffrey自从出演《调教你男友》之后人气十级跳，他笑言很开心有更多人认识自己，亦很感谢粉丝愿意了解自己。在节目中他是一个经常被女朋友照顾的大男孩，他解释自己由细到大都经常依赖别人，亦很喜欢被人陪伴的感觉：“有时我一个人喺大学食饭会觉得好寂寞，所以我尽量都会避免自己一个人食饭；一个人去旅行我又会好惊，惊入酒店房有鬼，我好惊呢啲嘢，因为我都真系几迷信。唔知系唔系因为年纪差唔多，就算有女朋友喺度都会惊，但系有妈咪就唔惊喇，哈哈！”不过，Jeffrey拍心口表示自己都是女朋友值得依靠的人：如果有贼当然系我保护佢啦！但系如果我惊鬼，佢就反而唔惊呢啲，会比我淡定啲。”
有不少艺人会在镜头前特意营造观众喜欢的样子，不过Jeffrey认为做自己最重要：“我唔会特登做一个假象出嚟，因为咁样好唔长久，唔想人哋觉得我望落同实质上有好大出入。虽然啲人都会咁觉得嘅，因为通常我一开声就大镬啦，啲人就会话：‘呢个人低B㗎！’，哈哈！”
点击观看更多Jeffrey访问当日的靓仔相：
点击观看更多演技大挑战的幕后花絮：