瞩目配角｜乔宝宝靠走埠一年赚过百万：过三色台唔系逗佢哋份人工

乔宝宝今年正好踏入50岁，香港出世的他有同时有着印度人的血统，以及香港人的特质，肤色虽然不同，但说着一口流行粤语，所以2005年参加TVB节目《残酷一丁》令他一砲而红，后来更顺势加入娱乐圈。入行14年，原来最高峰时期他每年可以有过百万收入。

每年过百万收入？他笑说自己8成收入都是靠唱歌，大部份都是靠登台走埠赚钱。他坦言：“呢个系公开秘密，过嚟三色台真系唔系逗佢哋人工，而系帮你曝光然后出面揾嘢做，我冇诈型人工少，我只系诈型唔够嘢做。”

入行后一年赚过百万

他说：“入行之后啲Job排山倒海咁嚟，我话礼拜一唔得㖞，咁佢就问礼拜二，礼拜二唔得就礼拜三啦，一路排。我最高峰试过一日走7场，系好多，但系我冇话攰，只系食唔切啰。”他透露，每场骚的酬劳最少都有5位数，有些地区更加会出6位数邀请他去唱歌：“去美国加拿大（登台），如果冇6位数就好难过去，通常45分钟至一个钟，中间有啲抽奖环节同埋当地嘅Super Star客串，成个活动大概系两个钟，登台大概唱5至6首。”乔宝宝笑言，虽然自己唱歌经常甩Key，还好识搞气氛。

感激遇监制畀机会

讲起无线工作那十数年，他表示监制王心慰可算是他的伯乐：“入行第一套戏就系陈木胜导演嘅《宝贝计划》，我咁多套剧有7成都系王心慰嘅，𠮶时《冲呀！瘦薪兵团》仲揾我唱主题曲，南亚裔㖞都惊㗎吖嘛！我话：‘咪搞我啦，会变残酷一丁㗎㖞，会唔会误会吖？佢就话：‘得啦，知你唱功，睇过㗎啦，放心，仲有展鹏、阮兆祥会帮你三兄弟一齐唱，你背熟歌词就得啦。’”语毕他还即兴唱了两句。

太少曝光所以离巢

收入好，工作又开心，那为什么又要离开？他说：“（因为）少嘢做，我唔系因为返工迟到或者推剧，我唔够胆推佢啲剧㗎，直情多谢都嚟唔切，仲试过飞走我啲剧。”他自言，在TVB工作，只是因为有曝光率：“咁多年我都冇讲过三色台人工奀，我要嘅系曝光。”他表示，2012年帮老婆伸完苏格兰身份后，工作量就愈来愈少：“一年少20%，最后一年我返一个剧，少得好离谱。”

成“山头文化”牺牲者？

被Cut剧减少曝光率，乔宝宝直言不知道“死因”：“我唔知上面斗争定系大执位，有人话系山头文化，但系3个山头，甚至5个山头，7个山头，我都冇特别打锣，或者唔打招呼。我对TVB个个人（都好好），同扫地阿婶吹水仲多过啲演员，我系down to earth嘅人，唔系见高拜见低踩。如果我有嘢做错或者讲错，我会更正返，但系唔知衰咩。”

场地提供：Curry Leaf