乔宝宝移民苏格兰300万买5千呎豪宅叹世界　超大花园连篮球场都有

香港寸金尺土，一般打工仔要置业供数，随时花足半个人生，但只要放眼世界，就会明白原来香港的楼价是到底有几“离谱”！早前移民苏格兰的乔宝宝就向记者分享了自己在苏格兰居住的物业，他表示在2012年大约用了300万港币于当地买入一间5,000呎的豪宅，现值多少钱？宝宝谓：“350万港币左右！”

事不宜迟，放大睇吓乔宝宝间5,000呎大屋先：

收租高回报率：帮个仔买咗几间！

乔宝宝表示，在苏格兰置业门槛非常低，以他个人为例，300万就已经买到5,000呎大屋连花园：“呢边就系平啲嘅，不过都近格拉斯哥（Glasgow），但如果住返伦敦𠮶边就贵好多喇，大概贵一倍啦。（但300万都唔系每个人都能够负担得起㖞）咁又唔系全部都咁大间嘅，有啲两房一厅嘅，大概600-800呎，都系50万港纸咁上下。”乔宝宝亦有提到将物业出租有好高回报率，基本上都有10厘：“一间50万嘅楼，月租都可以收到$5,000港纸，我同我仔仔都买咗几间。”

除咗收租，乔宝宝喺𠮶边仲有开印度餐厅：

地方够大退休一流　消遣不多

虽然苏格兰地方够大，但其实消遣的娱乐并不多：“呢度啲人都系饮酒、睇吓波、笃吓波，冇乜消遣，同埋啲人好早收工。不过好啱啲钟意打高尔夫嘅人，地方够大嘛！但系有啲出名嘅球场就可能要早一年Book先打到，退休就一流喇。（太悠闲会唔惯？）咁又唔会嘅，我都想畀多啲陪屋企人，尤其系我妈咪啦，佢年纪都大。同埋呢度啲威士忌好好饮，呢度嘅水质系全球Top 10，好多威士忌都同呢度嘅水去酿制。”

乔宝宝而家多咗好多时间陪屋企人：