方力申忆入娱圈初期难适应　常被人误会嚣张：“寸”因为我少讲嘢

方力申（小方）今晚（21/10）以退役运动员学长身份现身铜锣湾出席《香港运动员就业及教育计划嘉计典礼》。

小方透露由运动员身份加入娱乐圈初头难而适应，常被人误会态度嚣张寸嘴，“因为自己本身系运动员关系，通常训练嘅时候都系一个人练，所以好少同人去沟通。当我入咗行之后，唱歌同做戏都未去到𠮶个标准嘅时候，我就变得冇自信，但无奈又要面对镜头，所以一开始嘅时候，会俾人觉得我寸嘅，寸系因为我少讲嘢，我少讲嘢到系个答案，系短过你问我𠮶个问题，所以啲人觉得我寸，所以当时有人话我由运动员转行过嚟实有著数，所以扮嘢。其实唔系，事实系我好内向。”