暖男爸爸︱被囝囝投诉少见面 郑中基感内疚：小朋友每分钟需要你
撰文： 吴子生
出版：更新：
郑中基（Ronald）今日（21/10）现身尖沙咀出席ViuTV原创剧集《暖男爸爸》记者会。Ronald透露囝囝知道自己要拍此剧，抢著要参与，“因为早前开咗个记者招待会佢哋睇到，囝囝就问我：‘乜你喺套戏度做爸爸呀？点解唔系我哋嘅？’我就同佢讲你都唔识字，你点睇剧本。咁所以佢哋话套剧拍完，要播嘅时候就要一齐睇。”
作为人父的Ronald直言拍完此剧，有另一番深刻的体会，认为做妈妈要坚负起照顾小朋友的责任是相当艰辛，“喺套剧讲我要照顾啲小朋友，所以我发觉照顾小朋友仲辛苦过返工，因为好多嘢你冇凑过你系唔会知，因为啲小朋友二十四小时，每一分钟都需要你，咁所以妈妈系冇假放，冇得休息，所以父亲节唱世上只有妈妈好系啱㗎，哈哈！（太太成日都要照顾小朋友，有否感到内疚？）会㗎！所以返到屋企会听多啲佢哋讲嘅嘢，当然都会有啲投诉又或者开心嘅嘢同你分享，多数诈我型话少见我，咁所以我都会耐心去听嘅，睇下佢哋有咩要求，我都会去做，希望做咗就唔好诈型。”