【中秋节】袁嘉敏单身过寂寞佳节　恨有男友陪：我真系好Dry!

袁嘉敏（Candy）昨晚（30/9）现身尖沙咀出席首映礼活动。Candy透露疫情期间，被迫推掉内地商演活动：“因为好多时候都只系逗留一日时间，唔系逗留成个月，咁变咗好难揾到助手陪你上去隔离一段时间，然后去做嘢，做完嘢之后，返到香港又要隔离一段时间，况且又唔想屋企人太过担心，所以到最后都决定唔去。”

提到单身多时，Candy直言感到寂寞：“其实我一路都冇乜点拍过拖，二十岁头拍过一次，三十岁头又拍过一次，其实一只手都数得晒，其实我真系好Dry，身边有啲认识嘅人，都以为我结咗婚，我澄清话唔系，佢哋都唔信，可能我个样同现实好唔衬。”