凭《疫境厨神》赢得型男厨神美誉　黎诺懿暂无意开餐厅：好困身！

黎诺懿今日（28/9）亮相无线剧集《C9特工》宣传造势活动。提到在疫情下，凭综艺节目《疫境厨神》教大家煮好𩠌，赢得网民喜爱，诺懿表示：“其实我从来都冇铺过自己会煮嘢食，喺5年前做《马家开饭》嘅时候，我都周围去食嘢，当时遇到好多好劲嘅师傅，都有请教佢哋。到咗疫情嘅时候，公司就话搞个煮嘢食节目，煮下煮下就5个月，变咗大家觉得我系厨神咁，咁所以我成日都觉得好多嘢都系整定。”

黎诺懿自从赢得厨神美誉之后声价十倍，被问到会否学李家鼎进军饮食界开餐馆？诺懿直言没有这个打算，“其实做餐厅好困身，变咗好全职，我想好似兼职咁玩下就Ok，始终演艺系我想要嘅事业，如果我太过花心机系𠮶度，肯定会分散咗力量，咁所以暂时唔会搞餐厅，因为我煮唔到咁多，反而可能会搞下啲产品，因为冇咁伤神，偶然煮下嘢食俾啲朋友咪仲好。”