【港姐2020】赖琦媛随处掉烟头损形象　公开道歉：我会戒烟

港姐候选佳丽赖琦媛（Ivy）自参选至今是非不断，有网民爆料指她喜爱北上夜蒲，媾内地富二代，名副其实是一名“拜金女”形象负面。日前Ivy被拍到乘坐在私家车厢内吸烟，期间将手伸出车窗外，将烟灰散落马路，随后更将烟头抛出车外，缺德行为令人讨厌。

Ivy就此事接受《香港01》访问公开认错：“对于呢件事我感到非常惭愧，俾大家见到自己唔好嘅一面，咁我一定会改嘅，亦承诺大家我一定会戒烟，做返一个健康嘅女仔。（有几耐烟龄？）其实我唔系经常食嘅，之前可能同同辈接触到，但自己就冇经常食嘅，咁点解𠮶次我会食，系因为𠮶离个位同车嘅亲戚佢撩我食烟，搞到自己烟瘾起，最后受唔住诱惑食咗。（亲戚引诱你食烟，会否过份咗？）其实我觉得佢系过份纵容我，可能太过锡我，但我觉得都唔系好事。”

（有冇被高层照肺问话？）Ivy直言：“事后佢哋都有了解件事，但暂时都未有机会见到佢哋。（会否就呢件事退选？）唔会，会经一事长一智，我会改。（自己而家有冇谂住执返个烟头？）呢件事我系好惭愧，因为破坏咗环境，我应承大家以后唔会再有呢啲事发生。”